富豪酒家

营业中

休息中

同朋友去Donki 逛完，佢带咗我嚟呢间酒家食午餐，原来系米芝莲食府。大家都系第一次嚟，叫个午市自选精美小菜套餐，午市套餐可自选三款或五款小菜，再加一款鸡或鸭，另送靓汤、甜品。我哋拣咗三款小菜嘅套餐。富豪靓汤：无花果雪梨瘦肉汤，见到有大大片雪梨、南北杏同百合，味道清甜，感觉滋润。另外拣咗荔芋香酥鸭半只，薄薄嘅鸭皮连肉酿入芋头蓉，炸到鸭皮酥脆夹住软滑嘅芋蓉，两种口感一次过品尝，几惹味。第一个自选小菜系野生银鱼煎蛋，大大条银鱼白白净混合香葱及鸡蛋，煎至两面金黄，味道充满蛋香，好吃哦。第二个系海虾肉碎茄子煲，卖相吸引，虾肉鲜美，茄子连同肉碎一齐食，酱汁入味又唔会太浓。最后一个系胜瓜云耳炒叉烧 ，叉烧肥瘦适中，胜瓜嫰口无渣，配埋爽脆云耳，口感丰富。甜品系蛋白生磨杏仁茶，蛋白香伴随杏仁香，美颜配搭为呢个午餐画上句号。响富豪酒家食家常菜，满有惊喜啊。