富豪酒家

营业中

休息中

富豪酒家🌟无花果炖梨汤🌟富豪炸子鸡🌟荔芋腊味煲🌟双榄兰度炒鱼球🌟豉汁煎酿三宝🌟杏仁炖蛋白之前听朋友话富豪酒家啲嘢食好出色，所以就揾咗个星期五同朋友一齐去食lunch，试吓系咪真系咁好食。因为天气都比较冻，所以一坐低就叫咗一个无花果炖汤。炖汤好足料，入面有成半个梨。汤嘅味道系微微甜，好啱喺冬天嘅时候饮番碗。小菜方面，我哋叫咗四款，首先必点嘅系富豪炸子鸡。炸子鸡嘅外皮系超级香脆，炸到好似蝉翼咁薄，但系咬落去系有薯片嘅爽脆口感，入面嘅鸡肉依然保持嫩滑，系一个高水准嘅炸子鸡。要提一提令我有惊喜嘅荔芋腊味煲，成个腊味煲嘅奶香味都好重，当中嘅芋头系炆煮到好软糯。作为一个芋头爱好者，个人认为黎到值得试一试呢道菜。跟住喺双榄兰度炒鱼球，芥兰系拣选咗最嫩嘅部份，每一啖都入口清甜无渣，配上厚切嘅生鱼球，好味到我同朋友成碟都食清光ar。最后餐厅送上碗杏仁炖蛋白，自己本身好惊杏仁嘅味道，但系朋友试咗一啖之后话比想像中好饮，所以我都忍唔住试一试。点知一试真系觉得好神奇，一入口嘅第一啖依然会有杏仁特殊嘅味道，但系去到舌头尾端嘅时候就会冇咗呢一种感觉，反而觉得碗杏仁茶好香浓，令我不断想再饮，最后成碗都饮晒。