影片
更多
2007-07-29
16 浏览
两个几礼拜前同其中1位同事补祝生日, 因为生日同事习惯食中菜, 又有人之前试过呢度话ok, 所以一行6人就决定去呢度食个饭。我地早1日book左枱, 侍应提醒有可能要等一阵, 好彩我地一去到就有枱,个场真系好full下!!! 睇左轮menu, 最后order左1个平d既四位”富贵吉祥餐”(仲有个贵多两旧), 另外仲叫左樟茶鸭, 小笼包同埋担担面。套餐有个虾排得4只, 侍应就suggest我地加多两份, ok, 点知睇睇张order纸加2只就多谢96大元…废话讲完, 系时候开餐~新彊风沙鸡–都几好食, 皮脆, 只鸡都有d味啦水晶肴肉–卖相差d, d肉片跣左去碟边…味道就ok啦, 唔算好肥瑶柱鸡茸官燕羹–个样好似粥~ 好滑~ 不过咸左D小笼包–皮唔算薄不过都可接受, 有肉汁, 唔系净系得油, OK啦洋煎大明虾排–一上枱仲以为系6条鱼tim! 呢个好食, d虾几有鲜味肉都爽既松鼠黄鱼–又系好食, 个红醋汁酸甜适中, 鱼好脆, 炸浆亦冇过厚素鸭方–即系平日斋铺卖果d素鸭, 冇乜特别竹笙烩全素–再系好食, 多料, 不过份量就小左d担担面–唔算太麻辣, 不过味道算唔错, 面都冇过冧 上海鲜肉锅贴–
睇左轮menu, 最后order左1个平d既四位”富贵吉祥餐”(仲有个贵多两旧), 另外仲叫左樟茶鸭, 小笼包同埋担担面。套餐有个虾排得4只, 侍应就suggest我地加多两份, ok, 点知睇睇张order纸加2只就多谢96大元…
废话讲完, 系时候开餐~
新彊风沙鸡–都几好食, 皮脆, 只鸡都有d味啦
水晶肴肉–卖相差d, d肉片跣左去碟边…味道就ok啦, 唔算好肥
瑶柱鸡茸官燕羹–个样好似粥~ 好滑~ 不过咸左D
小笼包–皮唔算薄不过都可接受, 有肉汁, 唔系净系得油, OK啦
洋煎大明虾排–一上枱仲以为系6条鱼tim! 呢个好食, d虾几有鲜味肉都爽既
松鼠黄鱼–又系好食, 个红醋汁酸甜适中, 鱼好脆, 炸浆亦冇过厚
素鸭方–即系平日斋铺卖果d素鸭, 冇乜特别
竹笙烩全素–再系好食, 多料, 不过份量就小左d
担担面–唔算太麻辣, 不过味道算唔错, 面都冇过冧
上海鲜肉锅贴–一般
樟茶鸭(跟荷叶包) –鸭我冇食, 不过其他人话唔错, 伴碟D包其实系普通唔热既馒头, 可能冻左所以硬左D
Overall唔错, 始终上海野系重味d偏oily, 食开偏清淡既我, 叫做顶得住啦haha, 呢度装修算几华丽, 不过个场好细好迫; 6人行5位价, 所以每人over左200, 价钱方面少少偏贵, 不过可能系我地大食叫得多野者, 而且向呢头就系咁上下; 服务就真系唔错, 美心集团既service始终系有d保证~ 好多侍应都好后生不过几有礼, 仲有样野值得提下, 上樟茶鸭既时间佢比左一细碟葱同青瓜我地, 我地唔知点用呢碟野就问d侍应, 最后有个部长咁上下既人来详细解释, 唔错唔错!
张贴
