牛県

营业中

休息中

实力派石烧牛店@荃湾依间牛扒专门店价钱贴地，有唔同部位嘅牛肉，有哂图咁介绍详细。Upgrade 做套餐之后，喺饭、薯条、汤、沙律同饮品中五拣三。沙律爽甜新鲜，至于炖牛清汤都几香牛肉味，好饮㖞。喺横隔膜中间切出嚟嘅 Hanger Steak 非常珍贵，每只牛只得一块！依个位嘅肉味浓郁，牛味好重，而且肉质 tender。牛肉原本系得一成熟，依照自己喜好，透过石板热力再烧熟。烧𠮶阵石板滋滋声，有得食又好玩～牛侧腹扒系长条状，喺牛胸同牛腹之间嘅。依个部位肉味都出，油香仲比较 Hanger Steak 丰富。香得嚟油脂唔会过多，切开可以见到有好多肉汁，肉质软腍。选咗两款特制酱汁，无论系红酒牛肉汁定系阿根廷青酱都好夹。薯条系迟啲先上嘅，因为系新鲜滚热辣整㗎，粗厚嘅薯条唔止脆，而且真系有薯仔味呢。羽下牛扒系 Today’s Special 嘅特别部位，系牛肩胛中嘅嫩肉。佢嘅油花分布均匀，好似羽毛咁散落喺牛肉之中。依件羽下牛扒集合哂三大特点，首先油脂香好丰润，其次系肉质软嫩，最后就系浓浓嘅牛味！侍应帮我换咗块新石板烧牛扒，确保品尝到羽下牛扒嘅原味原汁，服务专业。