北海道牧場餐廳 (已結業)

同C兄喺「香港站」食完个温馨o既法式早餐，二人大感意犹未尽，所以就决定转场去「北海道牧场餐厅」继续倾。餐店满座，搭枱也在所难免，幸好店内冷气足，感觉尚算凉爽。白色o既餐桌上仍有水珠，而且黐立立，不甚卫生 。由于早餐o既包点正在体内膨涨，大家谂住不如叫杯特饮先，等稍后肚饿再叫野食。饮品上枱，我地两个人都好惊讶，因为特饮居然用纸杯上 ，唔通系想赶客？！同餐牌上o既图片可以话系两个样，餐牌似乎连参考o既价值都冇！C兄杯「蜜糖柠檬姜茶」甜到佢咪起双眼 ，叫哂救命！小肥杯「3.6泡沫咖啡」则咖啡味欠奉，似饮稀奶多过咖啡啰 ，同多年前喺餐厅o既铜锣湾分店度饮过𠮶杯分别实在太大！埋单时仲搞笑，两杯饮品合共$52，C兄攞咗$102比哥哥仔找，佢居然O哂嘴，不知应对，当话比佢知只需找回$50时，佢仲一脸迷茫 ，唉！睇黎「北海道牧场餐厅」不但有辨图障碍，服务生亦不够熟练，食品更调味不一。