大邊爐火鍋店

营业中

休息中

通常去亲酒楼打边炉都好嘈，不过如果你想静静地咁打边炉，去大边炉度打边炉就啱晒啦。因为餐厅环境舒服又宁静。打边炉当然首选拣番个靓汤底，汤底足足有15款之多，任君选择，我地拣左个海底椰青鸡汤窝，喺未放食物之前，先饮左一啖汤，汤底味道清淡，有阵阵椰香鸡味，汤中仲放左花胶，证明用料十足。另外，我们点左安格斯肥牛、脆香腐皮、牛丸拼梅菜猪肉丸同日本乌冬。安格斯肥牛色泽红润，纹理均匀，油花不绝，放入汤中轻轻涮几秒半生熟即口，千万唔好涮太耐时间，以免影响肉质，牛肉入口嫩滑，肉味浓厚，随后脂香慢慢渗出，甘香可口。牛丸拼梅菜猪肉丸粒粒手打，咬落十分鲜甜弹牙有嚼劲。脆香腐皮松脆香口，入口即化。日本乌冬够烟韧。