Burger Shot

营业中

休息中

放假陪朋友去牛头角睇楼, 再系附近觅食, 见到呢间主打Burger嘅小店, 于是就入去试试。餐厅设室外室内座位, 座位唔多。呢度除咗主打多款burger, 仲有少量款式嘅hotdog、意粉、小食、饮品等等...双层手打牛肉芝士汉堡: 呢款burger叠得高高的好丰富, 打孖两层「手打」牛肉, 一咬落去口感柔软有肉汁, 芝士跟手打牛肉溶为一体, 好邪恶, 配上生菜丝、洋葱、香甜多汁蕃茄, 口感层次丰富, 美味!安格斯牛肉芝士汉堡: 汉堡包松软, 安格斯牛肉肉厚多汁, 中层仲keep到嫩红牛肉, 配上厚厚洋葱、蕃茄、芝士、生菜等等, 滋味无穷。Burger系不同时段都可追加薯条同饮品,薯条有数款酱汁自选配搭, 黑松露酱最好食。野饮拣白桃爆爆、蓝莓爆爆, 果味浓缩汁, 再跟一罐梳打水, 自行调节浓度, 仲有爆珠满足口感。烤汁手撕猪洋葱热狗: 热狗包夹住脆皮肠, 加上了手撕猪同埋腌洋葱, 配上咸甜烤汁, 肉香美味。黑松露野菌忌廉扁意粉: 扁意粉好creamy, 忌廉味同埋菇菌味重。炸鱿鱼须: 炸得香脆, 唔算太油, 鱿鱼须爽得黎唔韧。另外仲叫咗两支乌龙茶。