割烹 櫓杏 (iSQUARE國際廣場)

营业中

休息中

期待咗好耐嘅日本菜，今日终于同男朋友嚟食啦!餐厅装修得好有日式风格，简约时尚，而且空 间好阔落。仲有啲嘢食都好好食，成餐饭食得好舒服~💛炒辣味熊本黑毛和牛 「和王」 最钟意就系呢个啦!黑毛和牛本身质素就好高，好肥美而且仲有浓郁嘅牛肉味 辣辣地但系仲 喺我哋接受范围之内，橙红色嘅色泽睇落去就好有食欲!食落口感入口即溶，又嫩又软仲有微微 辣味，好惹味!🤤💛特制火炙鲭鱼棒寿司配海苔鲭鱼烧到啲油脂逼晒出嚟，肥美又鲜嫩 软腍嘅鱼肉配埋寿司饭再用海苔包住一齐食，香气逼 人!鲭鱼一点腥味都冇，可能已经腌制过，所以鱼肉有淡淡嘅咸味~ 钟意食鱼嘅可以试吓呢个， 真系好惊喜😋🥰💛芦北名物 太刀鱼味醂干慢烤后嘅太刀鱼，简单用盐调味就已经好鲜味 肉质细致饱满，鱼肉嘅鲜甜配埋烤得香脆嘅鱼 皮，简直鲜美十足!如果再点埋少少蛋黄酱，口感酸酸甜甜，味道仲正!💛熊本蔬菜「天草大王」鶏面团汤 鸡汤熬制出嚟嘅咸香味，配埋各种蔬菜同菇，简简单单嘅配搭但系好味到不得了!面团又软又糯 仲好有咬口，同鲜甜味十足嘅汤底一齐食简直太幸福