餃掂手工餃子雲吞專門店

自己太耐冇去铜锣湾，近日发现总统戏院旁开咗间新饺子店，「饮掂」二字充满霸气，一入门口见到牌匾写住「天下第一饺」，令我更好奇葫芦里卖什么药。一见到餐牌真系不得了，除咗最普通嘅款式例如猪肉饺之外，竟然有松露味既水饺或煎饺。甚至芝心饺。另外亦有四川小食。四川凉面面条弹牙，花椒油系个中精粹，加埋花生，葱等配料，麻辣香味令人食欲大增。竹升米线就刚刚相反，味道徧淡，但米缐几爽口。手拍青瓜两个字形容：爽口。主角当然系龙凤松茸双煎饺，入面有白松露同黑松露味。饺子外皮煎得香脆，唔会一夹就烂。馅料超多，整体感觉唔腻。黑松露饺既松露香更突出，白松露就比较内敛。另外大白菜猪肉饺超抵，$50左右有十只。汤比较淡，味道同水饺唔太夹。不过，呈粉红色嘅大白菜猪肉饺真系无可挑剔，皮薄馅靓，猪肉馅相当鲜嫩。饺掂果然唔系浪得虚名，天下第一饺舍「饺掂」其谁。