和牛燒肉‧純 (已搬遷) 新店位置

一直只系喺日本食神戸牛、松阪牛等等，今次终于同好朋友喺香港初尝真正嘅和牛（今次系近排热门嘅飞騨牛）。 订了名为「飞騨和牛焼肉会席」，份量绝对足够（二人前）。1）先来前菜三少格，其中沙律酱炸虾非常热又好吃（如果挑起虾肠会更觉贴心）。2）上来一大碟和牛拼盘（有肉眼、牛排肉，豚眼、牛舌，还有各两少粒嘅冬菇粟米青椒），肉眼和牛排都是A5的，軽焼熟两边面已等唔切放落囗，完全唔洗咬咁溶掉了，肉汁肥美，文字不能形容，牛舌同豚眼肉（其实质素唔差）完全比下去了。3）牛排肉味噌焼，专人帮你喺小火炉仔焼，另一个感觉，味噌非常浓郁，菇仔亦好吃，不过有少许渣，有点可惜。4）和牛沙律，不要睇少佢，份量大，蔬菜新鲜，最重要嘅和式沙律汁好啱我心意。5）南瓜汤，杯装，非常热，浓郁又幼滑。6）鸡蛋汤饭，少碗，清新。7）甜品，红豆雪糕，简单一球，红豆粒不算多。