老香江茶居 (已搬遷) 新店位置

西贡系我一个唔多踏足嘅地方，入嚟嘅次数可能唔多过五次。还记得第一次踏足呢个地方，系因为佢响呢树嘅爱护动物协会工作而入住西贡，而我就回港旅行而入嚟探佢。对上一次入嚟就好似系已经好几年前，同旧同事入嚟 BBQ。今次再入嚟，有少少桃花依旧，人面全非嘅感觉。当日嘅好好朋友，今日可能已经变咗系一般嘅朋友；当日嘅佢，变咗做今日嘅佢。当日仍然系黄毛丫头嘅我，今日已经变咗有好多心事嘅我。人大咗，自然谂多咗；人老咗，自然让步咗！虽然好多嘢唔同咗，但庆幸我身边仍然有一班好朋友陪伴住我，呢日就攞咗半日假同两个好朋友入嚟西贡觅美食。老香江茶居绝对唔系一间古老，而系一间充满优雅、给人宁静感觉嘅茶居。呢间茶居除咗环境不错外，佢嘅食物亦系值得一试。三个人，但叫嘅食物绝对唔止三份，我相信五至六都应该可以够食。原条免切叉烧饭 ~~ 但因为我哋系 share 食，所以要求餐厅帮我哋斩件上。叉烧嘅肉质够腍，味道浓郁。如果原条上应该会更有咬口三浸玫瑰豉油鸡伴面配清汤 ~~ 这个面令我回味番细个响街边买炒面嘅味道，配上嫩滑嘅豉油鸡，多咗一分贵气鱼汤海鲜大会饭 ~~ 这个大会饭真系材料十足，每样海鲜都系非常新鲜，鲜甜嘅海鲜汤底，