壽司郎 (Mikiki)

营业中

休息中

作为寿司郎嘅忠实粉丝，每次有新嘅menu 都会嚟试。六月份嘅时候，寿司郎就出咗以「初夏祭り」 为主题，推出多款蟹肉商品同埋多款快闪限定商品。今次嚟到新蒲岗嘅寿司郎食嘢，因为遇著晚市，所以好多人排队。拎完飞，等咗40分钟先有得入座。好彩等嘅期间可以喺商场行吓街，凉下冷气消磨时间。除咗主推商品之外，寿司郎喇沙拌面最吸引到我。对上一次试过海胆拌面觉得好出色，今次都一并嗌咗嚟试。可惜今次食嘅海胆拌面唔系好新鲜，冇第一次食咁好食。另外喇沙拌面算系几特别，配料有啲香菜同埋两粒云吞。个汁好香，有少少椰奶味，但系就偏辣，算几惹味。结论系可以一试，但唔会encore。