DHYC Dimsum Restaurant

营业中

休息中

之前都同朋友食过呢间点心铺，咁岩呢排又去将军澳约咗朋友同埋佢只狗一齐食晚饭，就简咗呢间餐厅；呢间餐厅系一间宠物友善嘅餐厅，可以带埋宠物一齐喺餐厅到食野，当日平日夜晚都见到好多人都带咗佢地嘅宠物一齐食晚饭。🥢懐旧灌汤饺灌汤饺非常大只，一上台职员都提醒要趁热快啲食，灌汤饺嘅皮都几薄，汤嘅份量都好多，夹嘅时候要小心，唔好夹穿佢。🥢窝贴虾多士👍虾多士炸到劲脆卜卜，而虾胶亦都好弹牙；如果想无咁油腻，可以配埋杂果沙律一齐食。🥢韭菜金钱蟹盒外皮嘅云吞皮炸到金黄香脆，内里配上蟹肉同味道鲜美嘅韭菜，味道都几丰富。🥢蒜蓉粉丝蒸鲜鱿鱿鱼味道新鲜，口感弹牙，而粉丝亦都非常入味，吸收咗鱿鱼嘅鲜味同埋蒜蓉嘅味道。🥢焗叉烧包👍叉烧包一上台个阵仲系热辣辣，外皮松软酥香，味道咸中有甜。🥢萝卜丝酥饼外皮层次分明，层层都做到酥脆嘅口感，内里有刨成细丝嘅白萝卜，口感非常丰富。🥢牛肉球牛肉球口感嫩滑弹牙，充满肉汁，配埋喼汁一齐食，味道更丰富。🥢蟹肉大良炒鲜奶👍呢个菜式非常考功夫，火候要控制得好好，先可以整到嫩滑嘅口感，而呢个炒鲜奶煮得岩岩好，口感非常嫩滑，每一啖都可以食到淡淡嘅奶香同埋蟹肉。