彩興來來火鍋 (已結業)

好少过黎将军澳，难得过开黎，当然要食好西。帝景湾附近开左唔少食肆，而天气呢排好冻，第一样就谂一于打个边炉!打边炉 酱料同好既汤底就系不可或缺。酱料盘骨骨子子，款色多又干净，我中意。而汤底我地选左比较清既香茜皮蛋锅。第一样上既系$248 既极上肥牛！肥牛脂肪比平均，而且肉质好嫩。抵!响铃！响铃系火锅店自家炸起，新鲜滚热辣，脆口非常。脆骨腩~打边炉点可以无脆骨腩！骨质结实弹牙，如果多几旧就正!而今晚既主角就系呢个满泻既海鲜拼盘!$398食晒5款生猛海鲜！老板仲话系亲自去街市入货!手掌咁大贵妃蚌，洗得好干净，而且好新鲜。肥美广岛蚝， 大到遮左d鲍鱼仔。花甲一样不错。基围虾上枱落锅仲郁紧。成晚最岩就系叫呢个海鲜拼盘，到宜家都回味中。