影片
更多
2021-06-02
56 浏览
咁耐冇得去旅行，心思思想食韩烧体验下韩国风味，扮吓飞咗转首尔🇰🇷 今次嚟咗位于将军澳 Popcorn嘅Running烧试吓先⸜( ॑꒳ ॑ )⸝ 餐厅喺商场二楼，不过商场指示牌唔显眼，去餐厅楼层嘅䢂有啲难揾😅一入到餐厅，强劲嘅Kpop音乐真系有少少去咗韩国嘅感觉啊！本身谂住放题净系有烧肉，原来仲有炸鸡、年糕汤、温泉蛋紫菜饭~ 整体来讲，烧肉上菜速度快唔拖order，餐厅几热闹有气氛，店员亦冇催我哋限时前走，好啱朋友一边倾偈一边烧🔥=========================任食110分钟 $258/位烧肉类、海鲜、即整炸物就用QR code落单；而中间自助区放咗前菜、甜品、饮品，仲有多款蔬菜值得一赞餐厅提供锡纸兜同埋牛油，可以将易烧㶶嘅蔬菜放喺锡纸兜里面烧，正啊~炸物即叫即整，喷火炸鸡真心辣，柚子炸鸡味道似茶餐厅嘅青柠鸡，不过几清新🌿猪肉有好多部位拣！猪颈肉、猪大肠、黑豚腩肉、梅肉、猪耳…我最钟意辣味五花肉，切得够厚，肥瘦均匀，唔会太肥太腻，肉质爽口，烧到㶶边啱啱好，而且个辣酱超级入味！另外猪耳都几特别，烧到外层脆卜卜，口感有嚼劲，啱哂钟意猪软骨嘅我 =͟͟͞͞♡牛嘅选择有牛肋骨、西施
餐厅喺商场二楼，不过商场指示牌唔显眼，去餐厅楼层嘅䢂有啲难揾😅
一入到餐厅，强劲嘅Kpop音乐真系有少少去咗韩国嘅感觉啊！本身谂住放题净系有烧肉，原来仲有炸鸡、年糕汤、温泉蛋紫菜饭~ 整体来讲，烧肉上菜速度快唔拖order，餐厅几热闹有气氛，店员亦冇催我哋限时前走，好啱朋友一边倾偈一边烧🔥=========================
任食110分钟 $258/位
烧肉类、海鲜、即整炸物就用QR code落单；而中间自助区放咗前菜、甜品、饮品，仲有多款蔬菜
值得一赞餐厅提供锡纸兜同埋牛油，可以将易烧㶶嘅蔬菜放喺锡纸兜里面烧，正啊~
炸物即叫即整，喷火炸鸡真心辣，柚子炸鸡味道似茶餐厅嘅青柠鸡，不过几清新🌿
猪肉有好多部位拣！猪颈肉、猪大肠、黑豚腩肉、梅肉、猪耳…我最钟意辣味五花肉，切得够厚，肥瘦均匀，唔会太肥太腻，肉质爽口，烧到㶶边啱啱好，而且个辣酱超级入味！另外猪耳都几特别，烧到外层脆卜卜，口感有嚼劲，啱哂钟意猪软骨嘅我 =͟͟͞͞♡
牛嘅选择有牛肋骨、西施牛肉片、雪花牛仔肉、牛五花肉、薄切西冷牛扒、牛柳、牛舌等等…整体质素唔错，牛柳片虽然望落比较少油花，有咬牙但唔硬唔鞋，肉味好浓，enchore咗几次🤟
海鲜就有鱿鱼、鲭鱼、龙脷、蚝、蓝青口。咖喱鱿鱼须嘅酱汁好惹味，烧到微微焦香，好爽口弹牙👌🏼
蒜蓉芝士生蚝有大量芝士铺喺面，不过蚝嘅味道俾芝士稍为抢咗
甜品有4、5款雪条雪糕，另一边有迷你忌廉挞、Oreo 杯、吉士泡芙、中式糖水。
卖相可以，不过食烧肉食得太饱，冇试到甜品。
=========================
Running 烧 (将军澳)
📍将军澳唐贤街9号Popcorn商场2楼PopFood 4号舖
张贴
