四寶食堂 (將軍澳中心)

营业中

休息中

无论咩时间经过呢间茶餐厅都好多人排队，星期五晚唔想煮饭就去咗试下。六点半嚟到大概排队排咗十五分钟就有位，都唔算等得耐。餐厅以卡位同梳化位为主，虽然唔太阔落但都算坐得舒服。餐牌上选择丰富，晚市有小菜、炒粉面，仲有每日不同嘅小菜炖汤套餐。第一次嚟食嗌咗几款招牌菜。拔丝山楂汁菠萝咕噜西班牙黑豚肉，用上肉质软腍带弹性嘅黑豚肉，而且炸得够脆唔会太肥腻，比一般食到嘅咕噜肉更好味山楂汁够杰身做到拔丝效果，食落酸酸甜甜好好味招牌瑞士汁炒牛河牛肉份量多够足料，炒河粉条条分明上色均匀有镬气。纽西兰西冷扒+嫩炒滑蛋+脆皮菠萝油呢个组合好丰富！西冷扒煎到七成熟，肉质唔算腍但呢个价位嚟讲合格有余。滑蛋炒得够嫩好好食菠萝包脆身甜度适中，牛油以冰镇上枱，而且大大块够晒邪恶蜜椒金薯美国牛柳粒一上枱就闻到好香黑椒味，牛柳同蕃薯布满蜜糖同黑椒，非常惹味送饭一流牛柳粒肉质软腍肉味浓郁总括嚟讲食物质素高，而且选择多。环境唔错坐得舒服，难怪经常都排长龙。下次会再帮衬食下早餐或者下午茶。