陳儀興飯店 (嘉悅)

营业中

休息中

周末热到唔想旭手煲汤，呢个二人餐就啱晒，干手净脚叹个真材实料滋补汤。🥄呢期系茶树菇杞子圆肉炖乌鸡，原盅够热材料多，乌鸡肉清甜少油，菇菌散发既香气，配搭明目杞子圆肉甜蜜，饮完有种行气活血充电既感觉🥢卤水拼盘潮州菜点少得卤水野～ 拼盘样样有D就唔使谂。每一家卤水都有自己既秘方，呢度浓得黎甜甜地唔会口干～ 一碟九拼：墨鱼、生肠、红肠、角切卤蛋、鹅翼、猪肠、腩片、猪耳拌芽菜薄切墨鱼片几软身，生肠爽口又挂汁，鹅翼同蛋卤入晒味。最正系猪肠，肥美爽身软淋，食埋有软骨既猪耳，由内到外吸收晒卤水精华，美味度提升不少。🥢剁椒蒸鱼云嗜辣既老公就赞不绝口呢个蒸鱼云，上台红卜卜，鱼云上满满剁辣椒蓉同椒籽，未食闻到经已觉得好辣鱼云用料新鲜，一D泥味都冇，椒香彻底渗透入鱼头软组织之中，香辣中突出鱼味既鲜甜度。食几件咀边都慢慢有发麻既感觉。要挑战自己食辣既程度，可以食少少碟底既通红辣汁粉丝，入口香辣度非常持久。🥄方鱼蚝仔粥香辣菜过后，食碗暖胃潮式蚝仔粥。潮州沿岸海产丰富，用海鲜煮粥比起广东放肉又有明显地域风味。鲜蚝仔大大只，口感嫩滑。肉碎、方鱼块加埋芹菜粒香茜，连埋汤饭食，味道香浓鲜甜。