影片
更多
2025-01-02
1231 浏览
将军澳 Hygge鸭丝沙律鸭肉丝松软加西瓜，再加上少许pepper同埋啤梨粒，沙律清爽口感又特别，几好嘅配搭。红菜头沙律冰冻嘅红菜头多水又多汁，红菜头味道淡薄，配上雪梨酒醋入口清爽，加埋caper突出嘅酸味，口感复杂丰富，藉得一试！香煎鲈鱼鱼皮煎得脆脆香口好食，鲈鱼肉质属于较粗但鱼味足兼鲜美，大厨烹调时间掌握啱啱好，外边煎封香脆，内里肉汁鲜嫩。白豆蓉加绿汁垫底，满咀鲜香味浓，味道配搭得细致复杂。黑松露risotto带微微黑松露香气味道，咬落去有生生地嘅口感, 米粒稍为有啲过硬，不过risotto够晒Creamy。烤猪肉卷Pizza 看似味浓实则味道清淡，配嘅芝士都较为味淡，批底烟烟韧韧几好食，猪肉卷则冇乜特别感觉。咸味 芝士Souffle咸咸软滑又Creamy ，垫底蔬菜捞埋香软芝士感觉好特别，菠菜同椰菜花煮得较为透身软腍，捞埋creamy芝士一齐食，又有另外一番风味，食完之后够晒饱肚。烧龙脷鱼烧烤烹调程度掌握准确，够juicy 又无过生或过熟，鱼骨微带血丝。龙脷鱼味淡薄，配菜款式够多但无抢去鱼鲜味道，大㕑都做得几花巧，胡椒加黑榄同埋caper做烤汁吊味配合得恰到好处。Antichok
鸭丝沙律
鸭肉丝松软加西瓜，再加上少许pepper同埋啤梨粒，沙律清爽口感又特别，几好嘅配搭。
红菜头沙律
冰冻嘅红菜头多水又多汁，红菜头味道淡薄，配上雪梨酒醋入口清爽，加埋caper突出嘅酸味，口感复杂丰富，藉得一试！
香煎鲈鱼
鱼皮煎得脆脆香口好食，鲈鱼肉质属于较粗但鱼味足兼鲜美，大厨烹调时间掌握啱啱好，外边煎封香脆，内里肉汁鲜嫩。白豆蓉加绿汁垫底，满咀鲜香味浓，味道配搭得细致复杂。
黑松露risotto
带微微黑松露香气味道，咬落去有生生地嘅口感, 米粒稍为有啲过硬，不过risotto够晒Creamy。
烤猪肉卷Pizza
看似味浓实则味道清淡，配嘅芝士都较为味淡，批底烟烟韧韧几好食，猪肉卷则冇乜特别感觉。
咸味 芝士Souffle
咸咸软滑又Creamy ，垫底蔬菜捞埋香软芝士感觉好特别，菠菜同椰菜花煮得较为透身软腍，捞埋creamy芝士一齐食，又有另外一番风味，食完之后够晒饱肚。
烧龙脷鱼
烧烤烹调程度掌握准确，够juicy 又无过生或过熟，鱼骨微带血丝。龙脷鱼味淡薄，配菜款式够多但无抢去鱼鲜味道，大㕑都做得几花巧，胡椒加黑榄同埋caper做烤汁吊味配合得恰到好处。Antichoke同埋cauliflower煮熟再烧口感脆嫩特别，铅笔菇烟烟韧韧好有菇味。全碟虽然油淋淋，食落冇油腻感觉。
红酒啤梨薄饼
crepe较为厚身，红酒啤梨冰冰冻冻，啤梨及红酒味太淡，口感都算可以。
Tiramisu
用crepe做馅料加雪梨酒，雪梨甜酒香味满溢，可惜薄饼馅料较厚及糊口。
开心果Crepe
未带酸酸甜甜，开心果咬落脆脆口感觉可以。
海盐焦糖crepe
咸咸甜甜好有特别嘅味道，充满强劲口味，薄饼相对厚身。
餐厅位处隐蔽偏静，因为有朋友带路，如果自己去一定揾唔到入口。烹调属于年青人fusion款式。装修新潮简单，餐具干净清洁，餐桌椅凳简单整齐，空调系统足够无油烟味，店员殷勤有礼貌亲切。
张贴
