金發·順德干蒸菜

营业中

休息中

干蒸嘅煮法除咗健康啲之外，亦能够品尝食物嘅原味道，细味「鲜」嘅美味。嚟到位于佐敦嘅金发•顺德干蒸菜，就以广东顺德嘅家乡菜式作主打，用干蒸呈献食物最地道嘅滋味。枸杞叶猪润汤用料丰富，大量嘅枸杞同猪润，带领整个汤嘅浓郁香味，而新鲜嘅猪润好爽口。另外，加入杞子同姜丝，除咗令汤嘅层次增加，更可以减轻猪润嘅臊味。啫啫猪杂上枱仲有渣渣声，真系够晒热辣辣！猪杂有猪肠、猪肝、猪腰同猪心等，全部都非常新鲜，加上姜、葱、蒜同洋葱一齐爆香，非常香口惹味。干蒸白鳝餐厅主打「不落一滴水，猛火1000度」，令干蒸后嘅白鳝，肉质非常滑溜。调味只系简单用咗豆豉、葱同姜丝，将鱼嘅鲜味带出。而因为用干蒸嘅方式，令到鱼皮变干而脆，更将鱼油迫出，非常鲜甜。