影片
更多
2017-06-19
469 浏览
过往3年，我哋嘅死佬饭局都有入到嚟三圣食海鲜，一于三战三「圣」，全取九分。最初两年去咗冬菇亭嘅「兴记」，对上一年就过咗嚟山脚位嘅「容龙」，今年班死佬就话唔再搞住，不过，有友人见我哋晌三圣食海鲜食得咁过瘾，又搞局拉埋我入嚟食番餐，选址同属冬菇亭嘅「泰海鲜」，今次友人搞，唔使小弟烦，真好。三圣始终都几远，所以，友人想喺食完海鲜顺道游屯门，故今回嘅海鲜餐拣食晏，相对，客人无咁多，感觉会舒服啲。其实，咪睇喺冬菇亭，内里装修如中菜馆，环境一啲都唔失礼。其实，上次去兴记都已经知喺咁。香港人嘅智慧一向灵活，我哋食完离开时，见到就算依家大热天时，餐厅一样可以晌室外照摆枱，你会问有无客愿意咁嘅炎夏仲坐出去，答你喺绝对有嘅，点解？睇相你就个香港人有几醒！晌餐厅兜咗个圈都唔见佢哋有鱼缸养海鲜，原来听佢哋讲养海鲜成本都高，加上绝大部份客都喺自携海鲜嚟加工，但友人补充话依度嘅海鲜喺晌三圣海鲜街嘅「关财记」攞货，根本同自己买过嚟分别唔大，差在未有自己落手落脚去拣同埋无跟几家海鲜档格价，但唔上心呢啲事又信得过餐厅，真喺烦少好多嘢。顺手就上载埋佢哋啲收费俾大家参考，因为烹调法式繁多，喺就喺有啲复杂，但睇落跟同区比都算
三圣始终都几远，所以，友人想喺食完海鲜顺道游屯门，故今回嘅海鲜餐拣食晏，相对，客人无咁多，感觉会舒服啲。其实，咪睇喺冬菇亭，内里装修如中菜馆，环境一啲都唔失礼。其实，上次去兴记都已经知喺咁。
香港人嘅智慧一向灵活，我哋食完离开时，见到就算依家大热天时，餐厅一样可以晌室外照摆枱，你会问有无客愿意咁嘅炎夏仲坐出去，答你喺绝对有嘅，点解？睇相你就个香港人有几醒！
晌餐厅兜咗个圈都唔见佢哋有鱼缸养海鲜，原来听佢哋讲养海鲜成本都高，加上绝大部份客都喺自携海鲜嚟加工，但友人补充话依度嘅海鲜喺晌三圣海鲜街嘅「关财记」攞货，根本同自己买过嚟分别唔大，差在未有自己落手落脚去拣同埋无跟几家海鲜档格价，但唔上心呢啲事又信得过餐厅，真喺烦少好多嘢。顺手就上载埋佢哋啲收费俾大家参考，因为烹调法式繁多，喺就喺有啲复杂，但睇落跟同区比都算相宜。
友人讲，依度除多款大路嘅海鲜煮法，仲有唔少创意嘅做法，不时有意外惊喜咁话！
今回主打嚟食海鲜，其实，店家都有好多小炒供应，就算餐牌上无写出嚟，唔太刁钻嘅菜式都会尽量提供。而店名嘅「泰」字，亦代表咗佢有多款泰式美食供应。
而饮品方面，啤酒、汽水就基本架啦，但温馨提示一下，自携食品、饮品喺需要收费，此外，亦如一般中菜馆，收茶芥（$8/位）、酸菜（$15/碟）及加一。
白灼鲜虾 食海鲜最紧要喺乜？咪就喺新鲜啰，唔新鲜就乜都喺假，出嚟效果一定大打折扣。而虾够鲜，白灼就最好，既食到虾嘅原味，又尝到鲜味，沾点豉油提提鲜就够喇。难得啲虾唔止大只鲜甜，够新鲜缘故，口感弹牙。
海鲜汤鲜料海鲜汤嘅加工费喺断位收，每位收$18，两位起计，你拎啲咩海鲜嚟就成为咩海鲜汤，不过，正如店员话斋，唔使用贵价料，啲海鲜够新鲜就已经够晒鲜甜。眼前依锅海鲜汤以蕃茄薯仔汤底加入杂鱼、沙白嚟增添鲜味，由于料多，鲜甜度无庸置疑，难得一大锅，当然唔客气抢住添饮啦。
海鲜汤
10 浏览
0 赞好
0 留言
之前晌容龙或兴记都有食象拔蚌，今次都唔例外，不过，今次友人就大胆啲，个象拔蚌胆唔做椒盐，索性刺身食。整条象拔蚌刺身都处理得好，切得厚薄均一又够大块，入口极爽脆，沾少少芥末豉油，鲜味尽出。友人就大赞啲蚌胆新鲜，有啲似食猪润嘅感觉，但口感滑潺潺。
加拿大象拔蚌刺身
23 浏览
0 赞好
0 留言
砵酒焗桶蚝同样之前晌容龙及兴记都有试桶蚝，砵酒焗试过，姜葱煀又试过，但以砵酒焗好啲，无咁太冚咗啲蚝味。美国桶蚝煮完都无乜点缩水，大只厚肉，扑咗少少粉，咬落表面有点脆，细嚼蚝味浓郁，又有酒香。
砵酒焗桶蚝
33 浏览
0 赞好
0 留言
姜葱鲍鱼煲之前几次都喺果皮蒸，有建议不如姜葱煀，咦！效果掂㖞，啲澳洲鲍鱼大只有睇头，入口软腍而有咬口，又极有姜葱香气，仲颇入味添，非常惹味嘅一道菜式。
姜葱鲍鱼煲
25 浏览
0 赞好
0 留言
白酒忌廉煮花甲上述多道海鲜嘅中式做法都有水准，估唔到西式做法亦难唔到师傅，依道花甲用白酒忌廉煮，个汁底十分滑溜，食落都感受到下咗唔少忌廉，此外，白酒亦应该落唔少，因为个酒味都几出，配上埋鲜甜有肉地嘅花甲，实在不俗。个人而言，认为配伊面底或乌冬底都理想。
日头嚟、夜晚嚟都喺咁嘅价钱，不过，小弟就觉得晚上人气旺啲，变得较有气氛啲，尤其冬菇亭依类街坊食店。但日头嚟有个好处，就喺客无咁多，人手足就招呼熨贴啲！同埋，食完可以晌屯门周围行吓，去黄金海岸又得，行麦理浩径第一段又得。
张贴
