三田製麵所 (K11購物藝術館)

营业中

休息中

依家逢星期四都约咗朋友系老地方酒吧叙旧，所以逢星期四都会去尖沙咀。原来我同女朋友咁耐都未食过三田制面所，所以今次就试吓啦！-浓厚豚骨鱼介沾面其实所谓鱼介，就是各式的干鱼。我本身好钟意食日本面，特别系乌冬同沾面。沾面其实系热汤底加冷面，所以整碗面够唔够热好睇热汤底有多热，而今次碗面我觉得系「唔够热」的，尤其食到后期倾多阵计发现我汤底已经冻哂，我喺出面食过沾面佢哋会特登有一块热石整返热啲汤底，但系今次就冇，所以有啲失望。另外我觉得汤底太咸，可能𠮶啲系鱼介嘅咸味，不过我自己钟意偏淡嘅食物～-半熟蛋拉面女朋友真系好钟意食流心蛋，佢一到食，一到「哗哗声」。今次食嘅糖心蛋系用卤嘅方法整，虽然未算系好流心，但味道足够。-蟹肉忌廉薯饼完完全全新鲜整出嚟，超级热。其实我发现食完成旧薯饼系冇蟹肉味嘅，更加遑论揾到一旧蟹肉。但系纯粹以薯饼嚟㗎我觉得都OK嘅，再加上忌廉，所以旧薯饼好滑。