家賀屋

🐻👩🏻🐻👨🏽对日本菜既爱好真系中毒境界，时不时就要食返餐止下瘾，今晚既目标系居酒屋，拣左历史悠久既家贺屋，地点方便之余食物质素有保证。一出铜锣湾地铁站行几步就到家贺屋，餐厅装修简朴舒适，完全唔似有15年歴史。坐到打开餐牌🐻👩🏻只有一句花多眼乱，刺生寿司丼饭前小食炸物种类繁多，平时点菜迅速既🐻👨🏽都投哂降，咁啱撞正家贺屋15周年，啤酒有半价优惠，🐻👨🏽睇到即刻双眼发光。先来道前菜酒盗芝士烟熏萝卜渍，一个好特别既组合，一边咀嚼萝卜，芝士一边慢慢咁系口中溶，两种口感相异的食材不经不觉溶为一体，味道自然引人饮酒啦。🐻👩🏻见到就话要食既海胆龙珠卷，酱油渍过既蛋黄系口中慢慢爆发，配上鲜甜既海胆，真系必点！另一重点推介系原只伊势龙虾刺身，仲要半价只系$288，龙虾肉份量十足，肉质爽弹新鲜，味道甜美，真系物超所值，不过系限时优惠卖完即止。最后叫左大名寿司定食，有八贯不同种类既寿司，有炙烧拖罗，帆立贝，油甘鱼，每款刺身都新鲜美味，配上赤醋寿司饭，真系食唔够，定食仲有炸鸡沙律，真系大件夹抵食，🐻👩🏻食完好满足。