影片
更多
2010-12-12
51 浏览
寻日(11-12-2010 Sat)同男友整完啲o野就搭车返过o黎尖沙咀,会合佢o岩o岩前一日生日o既朋友食晚饭,我book o左呢o度7:30pm,由于佢朋友未到,而女职员话只hold10分钟,我就先上去,但原来o系lobby o个层等电梯系等唔到o既,等成5分钟都搭唔到,于是改搭扶手电梯,同时call男友,叫佢o地o系地下搭电梯.搭超慢扶手电梯又用o左我5分钟时间,男友同佢朋友亦快过我到.我去到攞枱时,知客竟然话未有人到,重带我去一张枱,冇理由㖞,我男友明明话到o左o格.我call男友,男友话出o黎揾我.我见到佢啦,于是我就行入去.坐低睇menu,一个经理奉住三种生蚝sell,重逐只讲解,最后男友拣o左好似$55.00一只o既speciales geay o既呢款6只,经理话呢只一食落去有海水o既咸,之后就系蚝o既甜味.然后我就落单,叫个$498.00o既定山溪二人套餐,有:2. 鲭鱼蟹籽沙律o个件鲭鱼都几鯹,沙律冇问题.味道: 2分1. 洋风三文鱼刺身上面有切片车厘茄,三文鱼刺身切得好薄,夹起时竟然会烂同黐住个碟.食落,面上黄色原来系芒果汁,唔见得呢个配搭有咩好,三文鱼刺身亦一般
搭超慢扶手电梯又用o左我5分钟时间,男友同佢朋友亦快过我到.我去到攞枱时,知客竟然话未有人到,重带我去一张枱,冇理由㖞,我男友明明话到o左o格.我call男友,男友话出o黎揾我.我见到佢啦,于是我就行入去.
坐低睇menu,一个经理奉住三种生蚝sell,重逐只讲解,最后男友拣o左好似$55.00一只o既speciales geay o既呢款6只,经理话呢只一食落去有海水o既咸,之后就系蚝o既甜味.
然后我就落单,叫个$498.00o既定山溪二人套餐,有:
2. 鲭鱼蟹籽沙律
o个件鲭鱼都几鯹,沙律冇问题.
味道: 2分
1. 洋风三文鱼刺身
上面有切片车厘茄,三文鱼刺身切得好薄,夹起时竟然会烂同黐住个碟.食落,面上黄色原来系芒果汁,唔见得呢个配搭有咩好,三文鱼刺身亦一般吧.
味道: 2.5分
4. 米国肉类盛合(烧)
menu上写有:泡菜香草鸡,厚切牛舌,海虎大虾,米国西冷,日本岩盐牛肋骨同樱花赤豚肉.但上o黎唔多觉有牛肋骨㖞,唔通去o左骨?唔理喇,照烧啦.
牛舌系就系厚切,但系长立方体,重只有两件,好寒酸啰.
而大虎虾只有一只,不过已经开o左边,但二人餐,竟然都冇一人一只,真系好过份.
其他o个啲最多都只有五片,真系唔掂.而味道呢,除o左咩泡菜香草鸡有香草味外,其他都冇味,要蘸畀o左o既芝麻酱油至好味.
开边虾都有啲膏o既,但虾味唔浓.
5. 栗米菠萝
又系每样得两件,栗米重要切o左一半,真系呢.而味道,呢啲冇乜问题啦.
8. 另叫$78.00o既极上一口牛,话有盐烧,芥末同七味三种味道,但我唔觉得有味,落单时侍应都冇问我要边只味,我谂畀o左盐烧o挂.
9. speciales geay生蚝
呢个等o左好耐,要催至有,个经理拎o黎时话师傅开唔切,系咪呀?呢o度都唔多人,咪玩啦.好,食吓先,开头真系咸,之后,我食唔到好鲜甜o既味㖞.
3. 松叶蟹味噌汤
系有两粒蟹脚仔咁o既o野,有啲海带,但我饮唔出有蟹味,而汤o既味道同普通o既冇分别.
6. 烟鸭胸蕃茄汤乌冬
食完晒o野又等好耐至o黎.鸭胸又系得一片,呢碗o野都系平平无奇.
7. 日本雪糕
呢个就畀o左三个我o地,系豆腐雪糕,都食到豆腐同牛奶味,雪糕都够滑,呢个系至出色o既食物.
10.餐前小食
系一坐低已经有o既.我冇为意唔知咩鱼加杂菜丝,我食o左旧鱼后食啲菜,冇味o既,唔食.但见男友清晒,我问佢点解冇味都食得晒?佢答其实有麻油,捞吓佢啦.哦?!我同佢朋友都捞o黎食,系㖞,果然好食啲.
服务:
开头我想落单,足足叫o左三次唔该,个侍应至听到,真系有冇搅错?
都有密密斟玄米茶o既.
上菜上得慢,而且次序有啲乱.
环境:
好日本feel啰,女侍应著和服o既.
价钱:
贵就预o左,但真系估唔到份量少得可怜,当人乞儿咁.今次用o左o系报纸剪落o既$200.00 coupon至可以减返啲,重o岩o岩系八折,不过返到屋企,计o黎计去都计唔到系$1,016.40,唔通餐前小食要另外收费?果然o衣o家睇返上一篇食评,原来系有o既,呢间o野真系好小家.
价钱用原价计.
张贴
