影片
更多
2025-01-29
2563 浏览
呢排同朋友去咗试「小宝任食套餐」，感觉几惊喜，特别系佢嘅「鱼汤鲜茄猪骨汤底」，真系好特别！呢个汤底味道清甜得嚟又有层次，鱼汤嘅鲜味配埋鲜茄微微嘅酸同清香，饮落去好开胃，感觉唔会太油腻，煮肉或者丸类都几适合。佢主要有三款牛肉可以拣，个人觉得最好食系安格斯牛板翼，肉质嫩滑，脂肪分布均匀，入口好juicy，煮完都唔会韧。其次系安格斯极佳级精修肥牛，虽然肥牛一向都系火锅嘅王者，但呢款食落少咗啲惊喜，始终牛板翼嘅口感比较出众。至于封门柳，肉味偏浓，但质地相对硬啲，要煮耐少少先至好食，唔太啱我呢种钟意嫩滑口感嘅人。而佢哋嘅手打潮汕虾丸同墨鱼丸都系必试之选，虾丸真系食到鲜虾嘅香甜同弹牙，墨鱼丸就系带有浓郁嘅墨鱼味，而且仲有啲墨鱼粒，咬落去好过瘾，感觉真材实料。呢两款丸类配埋汤底，都好夹。自助区嘅选择真系多到眼花缭乱，响铃同炸鱼皮，炸鱼皮煮完之后都仲脆卜卜，响铃就吸哂汤底嘅精华，食落去好入味。另外，鹅肠都系一大亮点，净系轻轻烫几秒就够，爽口之余仲好鲜甜。其他例如萝卜、云吞、饺子、粟米丸等等，都系好稳阵嘅选择。一壶壶既水果茶味道酸酸甜甜，饮完好解腻，另外仲有冷泡红茶可以试，清新得嚟唔会太甜。另外，普通嘅
呢排同朋友去咗试「小宝任食套餐」，感觉几惊喜，特别系佢嘅「鱼汤鲜茄猪骨汤底」，真系好特别！呢个汤底味道清甜得嚟又有层次，鱼汤嘅鲜味配埋鲜茄微微嘅酸同清香，饮落去好开胃，感觉唔会太油腻，煮肉或者丸类都几适合。
佢主要有三款牛肉可以拣，个人觉得最好食系安格斯牛板翼，肉质嫩滑，脂肪分布均匀，入口好juicy，煮完都唔会韧。其次系安格斯极佳级精修肥牛，虽然肥牛一向都系火锅嘅王者，但呢款食落少咗啲惊喜，始终牛板翼嘅口感比较出众。至于封门柳，肉味偏浓，但质地相对硬啲，要煮耐少少先至好食，唔太啱我呢种钟意嫩滑口感嘅人。
而佢哋嘅手打潮汕虾丸同墨鱼丸都系必试之选，虾丸真系食到鲜虾嘅香甜同弹牙，墨鱼丸就系带有浓郁嘅墨鱼味，而且仲有啲墨鱼粒，咬落去好过瘾，感觉真材实料。呢两款丸类配埋汤底，都好夹。
自助区嘅选择真系多到眼花缭乱，响铃同炸鱼皮，炸鱼皮煮完之后都仲脆卜卜，响铃就吸哂汤底嘅精华，食落去好入味。另外，鹅肠都系一大亮点，净系轻轻烫几秒就够，爽口之余仲好鲜甜。其他例如萝卜、云吞、饺子、粟米丸等等，都系好稳阵嘅选择。
一壶壶既水果茶味道酸酸甜甜，饮完好解腻，另外仲有冷泡红茶可以试，清新得嚟唔会太甜。另外，普通嘅罐装饮品都有，基本上可以满足唔同口味嘅客人。
张贴
