好德來小籠包店 (已結業)

朕去到佐敦想食上海野，多数都会去好好，食惯左，好味之余又有人情味，今次出到佐敦，朕都系谂住再尝呢间小店既风味，点知随从话附近有一间上海野好似几好食，于是朕今次就试下新野先！朕去到好德来门口，见到啲装修都几企理，望一望个餐牌，又唔系贵㖞，于是就入左去试下喇！一入到去，有啲口渴，黎到上海菜馆，紧系饮豆浆啦，唔通饮可乐咩！店小二拿来豆浆，咦成枝正远豆浆㖞，无咩豆味，唔系自家制，感觉差啲啰！！！糖醋排骨（半份），个酸甜度刚刚好，而排骨亦够腍身，不过份量就偏少偏少偏少（重点所以说三次）！小笼包，即叫即蒸，个皮厚薄做得啱啱好，够薄但系又唔会穿，小笼包里面啲肉汁亦够哂澎湃，一咬落去成口都系！酱牛𦟌汤面，牛𦟌唔够入味，咬落比较硬，而个䓤花汤面啲汤几清，面身几弹牙，不过份量就偏少偏少偏少（重点所以说三次）！鳝糊汤面，朕既至爱，朕自小去食上海菜，都一定叫鳝糊汤面食，呢度既鳝糊汤面味就够浓，不过啲鳝糊就唔够爽口，同埋如果可以加埋韮王落去一齐炒应该会更香，面身一样都几弹牙，不过份量就偏少偏少偏少（重点所以说三次）！总括黎讲，个性价比偏低！个价钱同份量有落差！！！－－－－－完－－－－－