欣賢軒 (已結業)

去朋友屋企玩，上去之前我地系楼下欣贤轩食野。间餐厅好细，放得5张枱，唔算好干净，不过都算系咁架啦。佢地系家庭式经营，5个人，父母负责煮嘢食，阿仔同婆婆/嫲嫲做楼面。一家五口非常有礼貌，好亲切咁打招呼，多谢佢地时亦会好好咁回覆“洗咩客气呀”，走个时就算父母忙紧都会同我地讲掰掰。本身谂住食两碗面就算，点知睇下睇下佢地个menu小食后，就越叫越多野。朋友碗面系乌冬，贡丸，五香肉丁。试左佢嘅贡丸都几好，真系会有冬菇。我个碗有油面，牛腩，墨鱼丸，猪肠。啲牛腩同猪肠煮得非常入味，好好吃。墨丸就无咩特别。个咸牛肉加蛋三文治好食，个蛋好滑，又厚，我最中意啲蛋咁。我地小食叫左鱼肉烧卖同鱼蛋。鱼蛋可以拣辣同唔辣，都好入味，几好食。