US813 (已結業)

今日Lunch蛇王黎到屯门做物理治疗，跟手梗系食埋个午餐先走啦，我自己本身一向唔太钟意帮衬各大连锁店，咁啱呢个商场就有一间个样几靓仔嘅餐厅，于是就决定入去试下。呢间餐厅以各式各样意大利粉为主打，d意粉名都好得意，例如拐子面、水管面，其实即系大粒d嘅通心粉同埋粗身少少嘅直通粉，叫咗个芝士焗拐子面，再加咗杯芒果沙冰，我觉得唔系唔好食嘅，不过拉到丝但系又唔够芝士香味，估计佢只系用咗拉丝𠮶只芝士，要沟多只浓味芝士效果会好d，同埋唔知点解焗完都好湿，我expect焗咗系会干身d。至于杯沙冰都几好，唔太甜，但系如果可以香d会更加开心啦。