海皇粥店 (已結業)

去完西贡，咪去荷里活广场行，由于之前果餐食得吾够，咪睇下有冇野食，又吾想食得太饱，见到海皇粥，咪一心入去试下。系门口已经见到好多人，个待应不停叫外卖号码，咁我咪行入去问下个待应系咪要等位，哈哈，原来佢要叫号才可以入，但我见佢好多张枱都冇人坐，只系未执枱，都冇所谓啦。但见佢只得两三个待应，就知佢哋好忙，又要收钱，又要落单，又要上菜，又要安排外卖，真系做吾停。终于叫到我哋个号码，你咪以为佢为你带位，原来攞个号码只系俾你入去咋，入到去仲要自己揾位。。。。讲到食物，由于吾系好饿，所以只系叫左一碗至尊艇仔粥，一碟炒面，一碟炸両，老实讲，一直都觉得海皇D食物真系吾错，嚟到依度都觉得一样，特别系碟炒面，真的吾错。但一讲到依度D服务同安排，真系好吾掂，个个待应都目冇表情，十问九不应，叫佢俾两个碗，都要叫几次先睬我哋，之后叫佢俾碟芝蔴，佢都已经失踪左。。。。不过算吧，可能真系吾够人吧。我哋都会继续去其他海皇帮衬。