C+ Burger (已結業)

西营盘水街头个角落一直都聚集咗堆小店响度，最近经过见到最吸引就系呢间c+ burger✨本身想试软壳蟹但毕竟第一次食会想试牛多啲，拣咗黑松露芝士汉堡($46) 都几大个，个汉堡扒都几重味，仲重过阵黑松露味，落咗黑椒有啲带辣，而个质感都几用心，牛肉属有咬口果种，中心位置带微红生熟度火喉控制刚好，唔会过熟过硬，而且好欣赏佢混咗啲小小肥膏粒入去令个汉堡扒食落层次丰富好多✨ 但我始终钟意食质感偏软腍，所以都系嘉宝最好😛另外加钱转餐有汽水薯条同鸡翼($35) 水牛城鸡翼即叫即炸超级烫手，要食咗一半包先凉返少少拎得起，同薯条一样水准属正常，唔系话好突出咁，佢地堂食系店舖外面既一排吧台，可以透过玻璃见到厨师点整，又会开个窗仔俾野食你，感觉几得意，而且冬天凉浸浸都几舒服，仲有特别要提佢地有胶手套提供哟👍🏻✨