葫蘆館 (已結業)

同朋友去到牛头角食完饭，想吹下水食糖水，行去apm或者港记好似有点远，就跟朋友嚟到呢间葫芦馆。叫咗呢碗，本身系红豆汤嚟，佢加咗好多陈皮，所以好香。我又好想食芋圆㖞，所以就加钱试下，同红豆汤都几夹，虽然佢芋圆分别有番薯、芋头、紫薯，可惜芋圆无味，淡茂茂，所以下次唔会专登加钱去食。另外，朋友叫咗佢招牌嘅姜汁撞奶，唔错，都几正宗好够辣，所以怕姜怕辣嘅人要留意啦，可以落单之后同佢讲小辣，咁就更容易入口了。