US813 (已結業)

睇完戲，行左陣，係華都兜左個圈，見有位就決定入去食。時間大約6點半見到餐牌有羅勒，選擇困難嘅我即刻冇困難😂揀左德式香腸。另一位當然係carbonara 啦我果份隔左陣就到左，好香香草味😆但食落竟然係泰國菜嘅羅勒味？？真係好重手，如果係唔太好香草味嘅朋友應該頂唔順。香腸就是腸，唔係廚師雞肉腸，又唔係脆皮腸，可能真係德國嘅腸啦，無研究不知道。意粉有咬口，不錯另一位嘅carbonara 好芝士，佢話好味，因為好肚餓🤨另叫左樣頭盤，醋炒菇加蒜蓉多士。蒜蓉太生了，另一位估計係先焗左塊包，搽完蒜蓉再焗，所以包燶蒜蓉都未熟（有一塊多士係全燶邊）。酸味嘅菇幾開胃，ok。