太元樓

营业中

休息中

之前有去开北角聚会，今次继续去太元楼，饮茶食点心。坐落睇见点心纸都几多花款，好多选择，满足到唔同口味。先黎冷盘花雕醉鸡，完全唔油腻，酒好入味，爽口开胃。小笼包虽然皮薄，但蒸得恰好唔烂，夹起都唔会穿，肉汁够多，唔错！酸辣汤，调味好够，酸辣适宜，符合口味。金粒豆腐外脆内软，薄薄一层脆皮，再加上椒盐，同入面软滑豆腐好大反差，好食。主菜黎啦！砂窝云吞鸡，好足料，满窝都系鸡同蔬菜，汤亦呈现奶白色，好够味，又清清地，唔会油腻。另外有上海粗炒，炒得好靓好入味，每一条乌冬都上色，卖相已经加晒分。最后以甜品红枣心太软做句点，甜丝丝，入口满满幸福感。太元楼食物质素唔错，位置多桌又大，可以慢慢坐慢慢食，下次会再黎小聚！