第三站

餐厅座位全部都系卡位而且非常阔落，全部都系梳化，枱同凳都好阔落，餐厅仲会提供好多唔同嘅board games，啱晒成班friend食玩嘢一边玩一边倾计。餐厅坐满晒人，大部份都系年轻人喺度倾偈玩board game，但系大家都好自律唔会好嘈骚扰到其他食客。田园沙律嘅dressing系麻酱，生菜新鲜爽脆，酱汁足够。重拾童年回忆港式薄荷朱古力，有层好厚嘅Cream同埋朱古力都唔会太甜，薄荷朱古力外貌好精美有渐层嘅效果。青苹果乳酪都勾起左童年回忆，好似夹糖食到嘅青苹果口味。黑松露带子鲜菌烩意大利饭一摆上台已经闻到好香黑松露味，食落去更加不得了成口都系浓厚嘅黑松露味。意大利饭上面洒上Parmesan cheese 捞匀会有邪恶拉丝。 饭入边有菇、带子, 食材非常足料。佢嘅汁唔会太浓唔会太Heavy，系一个轻盈嘅意大利饭。墨西哥肉丸意粉系一个好新颖嘅菜，佢嘅酱汁好似中式配落去啲意粉度竟然又唔差。 意粉煮得好好，佢系肉丸唔会散修修，感觉好弹牙食落去系有香草嘅味道。蜜糖鸡翼新鲜出炉，蜜糖味好重唔系得个甜字系真系有蜜糖味道，鸡皮非常脆，入面肉质鲜嫩，唔会焗到干晒。