紅磡冰室 (已結業)

食开红墈冰室嘅午餐，比我嘅感觉系厨房有心煮𩠌，整体水准唔错。唔知晚市小菜又系点样嘅呢？今日一于走去试吓。椒盐鱿鱼：先讲卖相，确实系几唔错，而茶餐厅质素依然，可以拎满分。味道方面，蒜蓉炸得香脆，鱿鱼咽靭，外皮炸得香脆，但唔会太厚。唔会太咸，可惜辣味唔系好够，但系整体而言系几好食。鱼香茄子煲：煲仔菜当然系贪佢够热够镬气先至叫架啦。有时候，去到一啲大型连锁快餐店order咗煲仔菜，但系竟然唔系滚住上。呢度嘅煲仔菜就唔同啦，以我叫嘅鱼香茄子煲为例，上枱嘅时候仍然系滚住嘅，香喷喷，香气令人想食多几碗饭。卖相方面，麻麻地。味道方面，鱼香唔系几够，但系咸味同埋辣味嘅平衡做得唔错，唔会太咸，有唔会太辣，算系几啱一家大细食嘅一个鱼香茄子煲。不过，叫得煲仔菜，最主要都系食佢个镬气嘅者。菠萝咕噜肉：唔讲咁多，讲下卖相先，攞满分！presentation好似酒店嘅中菜厅咁样，茶餐厅做到呢一个水准系难得一见，抵赞！ 口感方面，猪肉炸得够火喉，外皮香脆，可惜嘅系太多骨。配料唔会话炒得太腍，洋葱同埋三色椒都保留著一定程度嘅脆口，就好似食紧沙律嘅洋葱一样咁脆。味道方面，甜酸味道够balance，最重要系唔会话太酸，啱