集眾菜館

营业中

休息中

惊喜小菜此终寻，今晚叫了四个𩠌，四个都好好味，命中率达100%真系好少有。先来个烧乳鸽，佢最正系可以一只一只咁叫，我地两个人当然只叫一只，留返个肚食第二D野。个乳鸽D肉好嫩，又唔会好似平时出面𠮶D炸到干争争。铁板白胡椒煎焗鱼卜好香口好好味，D鱼卜煎得真系好食，铁板上热辣辣一D都唔会鯹。小炒重佢话系镇店，又真系几好食，虾干韭菜腰果都正，不过最精彩就系D炸脆咗嘅芋头丝。铁板蒜香牛柳粒又系好好食，D牛肉好新鲜，一D都唔un，好有牛肉味，老板娘话系用新鲜牛肉做，成本高不过为咗追求鲜味无计啦。全部都好好食，下次要试埋其他野。