千鍋居 (已結業)

哈哈3年无出食评，太懒了!!专登上返黎因为朋友请大家食左餐好味东东，要表扬一番!! 餐厅开业短短1个月，已经听闻过此店水准唔错，仲上埋杂志添，所以朋友一话请我地黎千锅居，就满心期待了啊。餐厅装修简洁企理，每枱均设一个电磁炉，仲有卡位可以自成一阁，坐得几舒服的。大良蟹鸡锅 $278不愧系招牌菜，一上枱就香喷喷而且鸡肉嫩滑，虽然蟹唔大只, 但蟹钳相当鲜甜入味! 最后加入乌冬，索晒D汤汁超好味啊，一个乌冬实在唔够喉!!花蛤蒸水蛋 $88自细钟意食蒸水蛋，但系加入花蛤既水蛋真系第一次食啊! 花蛤鲜甜味完全渗入嫩滑水蛋，简单美味，系全晚最受大家欢迎既菜式!!酱油碌鹅砵 $148另一招牌菜亦颇受大家欢迎，碌满秘制酱油既鹅肉非常肥美而且软腍惹味。椒盐虾 $128虾肉新鲜爽弹配上蒜香椒盐当然十分美味! 食剩2只时惊觉碟上既椰树图案原来系师傅用酱油画的!!! 好有心思啊!清汤崩砂腩煲 $148汤极清甜，牛腩非常软腍且带脂香，萝卜又入味，大家都好惊喜。九制猪手 $88向来唔太钟意食中式猪手，俾面浅尝一口haha。猪手炆得软滑，店员声称甜味全来自话梅，绝不额外加糖。个人认为酱汁偏甜，如果酸D可以更开胃美味。