幸屋

营业中

休息中

禁堂食前去食餐好，拣咗间拉面店面唔大，成晚都满场，呢间小店都几受欢迎。小食拣咗个芝麻鸡翼，其实想食明太子鸡翼多啲，不过呢度无。但呢个鸡翼都有惊喜，入面系无馅，普通鸡翼，但一咬落去系有汁，调味刚好，有少少辣味其实仲叫咗个炸鸡，但唔记得影相都好好食，又系好多汁，配上mayonnaise，热辣辣，无得输。拉面方面质素中上，虾汤嘅虾味唔算好浓，主要靠虾干调味，面同叉烧都系正正常常，配料好多，可以话系性价比高，味道唔算好出彩。朋友叫咗个胡麻王，但佢话无乜芝麻味，当系普通豚骨拉面咁，味道都系正正常常。整体来讲都满意嘅，平时晚饭都系个唔错嘅选择。