影片
更多
2016-08-25
967 浏览
西班牙菜晌香港唔算好大热，但保持住一定人气，始终，西班牙菜本身都颇有特色，尤其佢哋嘅西班牙小食（Tapas），可以讲喺好多人认识西班牙菜嘅入门。最近晌杂志睇到西班牙餐厅Rojo新推出个龙虾西班牙海鲜饭非常吸引，今晚就同几个月无见嘅朋友嚟到天后会一会佢。曾经嚟过一次都未知店名点读，所以今次专登问问店员，原来喺西班牙文，有红色之意，所以门面店名以红色为记，发音有啲难，但跟「镬捞」好似音，哈哈。踏入餐厅，右边喺吧位，左边喺用餐区，再入啲原来仲有一直排位，但见好多客就免太打扰走入去影相。贯彻门面，入到店内都同样咁型格，以黑白灰为主色调，装修简约，却带点粗犷味，尤其吧位下嘅墙身，凹凸石墙，更显出原始味道。餐牌以小型报告板形式夹住啲菜单，其实分为几组，第一组喺「欢乐时光」，多款酒精类饮品卖$38/$40，但只限星期一至四，5:30－7:30pm，比一般酒吧嘅欢乐时光稍短。第二组五颜六色嘅喺饮品餐牌，分别包括红白酒、西班牙生果酒、烈酒、啤酒、鸡尾酒……等等。唔饮得酒嘅都无问题㖞，有啲无酒精嘅鸡尾酒，以及汽水、果汁、啡茶……等等。至于第三组餐牌，就一定喺讲食架啦，第一版喺厨师推介，有西班牙小食，有新出
曾经嚟过一次都未知店名点读，所以今次专登问问店员，原来喺西班牙文，有红色之意，所以门面店名以红色为记，发音有啲难，但跟「镬捞」好似音，哈哈。
踏入餐厅，右边喺吧位，左边喺用餐区，再入啲原来仲有一直排位，但见好多客就免太打扰走入去影相。贯彻门面，入到店内都同样咁型格，以黑白灰为主色调，装修简约，却带点粗犷味，尤其吧位下嘅墙身，凹凸石墙，更显出原始味道。
餐牌以小型报告板形式夹住啲菜单，其实分为几组，第一组喺「欢乐时光」，多款酒精类饮品卖$38/$40，但只限星期一至四，5:30－7:30pm，比一般酒吧嘅欢乐时光稍短。
第二组五颜六色嘅喺饮品餐牌，分别包括红白酒、西班牙生果酒、烈酒、啤酒、鸡尾酒……等等。
唔饮得酒嘅都无问题㖞，有啲无酒精嘅鸡尾酒，以及汽水、果汁、啡茶……等等。
至于第三组餐牌，就一定喺讲食架啦，第一版喺厨师推介，有西班牙小食，有新出嘅大盘；第二牌喺一共有成20款西班牙小食；最后一版就仲有汤、主菜、甜品……等等。整体嚟讲，无论饮定食，都不愁选择。
Apple Martini $68本来都无打算饮鸡尾酒，但经店长推介，而佢哋嘅鸡尾酒为迎合少少华人，晌酒嘅份量有所调查，所以，依一杯佢推介嘅Apple Martini（Vodka、Apple Liquer、Lime Juice）真喺好易入口，有点青苹果味，带微微酸，插上几片青苹果片，感觉都清爽啲。
Apple Martini
$68
32 浏览
0 赞好
0 留言
朋友喺小红莓粉丝，佢真喺眼利，一眼就睇Cosmopolitan（Vodka、Triple sec、Lime Juice、Cranberry Juice）依一款鸡尾酒，色带淡红，小弟就无试，但友人话唔错，酸咪咪，好有莓香。
Strawberry Daiquiri $68最无谂过嘅卖相就喺依一杯Strawberry Daiquiri（White Rum、Lime Juice、Strawberry），因为似沙冰多过一杯鸡尾酒，都喺怪自己见识少，加埋粒士多啤梨玫瑰花，真喺卖相抢晒分。友人讲到杯鸡尾酒，入口较冰凉透心，酒精度唔高，充满士多啤梨香味，好啱女生饮。
既然嚟到西班牙餐厅，西班牙式小食点都喺主打菜，此外，西班牙海鲜饭亦喺唔少得嘅心水选择，更上佢哋有个龙虾版，就更加吸引。Truffle Bikini $78
之前曾经晌一间西班牙小店遇过依一款菜式，因为个名够特别，所以印象犹深。何谓「比坚利」？其实喺西班牙一种小巧嘅三文治，借题发挥叫做「比坚利」。以黑松露酱、芝士、风干火腿配上薄身少少嘅麦多士，轻压烤烘，要趁热食，否则多士面就变得唔脆，入口的确有时焦脆感，咸香惹味，黑松露香气突出，做得好食。
Octopus Tartare $88底层喺薯仔粒，中层厚厚嘅一层牛油果蓉，而面层喺薄切嘅八爪鱼，做成塔型，再伴一点蕃茄莎莎，卖相份外抢眼悦目。八爪鱼腌得油润，烟韧爽口，夹埋牛油果蓉同薯仔粒食，令口感富层次。
Octopus Tartare
$88
41 浏览
0 赞好
0 留言
Bun Fun (Pork Belly) $88另一道要快快手食嘅喺依一道「缤纷」，皆因以蒸包嚟配猪腩肉，一摊凉个包身软熟度就肯定大打折扣啦。猪腩肉腌得入味，煎得焦香，欢迎轻盈少少可以夹啲翡翠苗，否则好似小弟咁，斋夹腩肉，再涂啲墨西哥酱（以为沙嗲酱之类，后尾问番原来喺一种叫墨西哥酱嘅酱料），较浓香惹味，腩肉厚薄啱啱好，入口又唔觉好肥，意外地咁正㖞。
Bun Fun (Pork Belly)
$88
32 浏览
0 赞好
0 留言
Garlic Prawns $68蒜片虾印象中喺西班牙小食经常出现嘅菜式，一客5件，而依度做法更加咗一小片脆口嘅百吉包垫底。虾只既大，又爽口，蒜香味不俗。咪以为食完啲虾就算，其实，啲炸蒜片一样可以当零食咁食埋唔好嘥。
Lobster Paella $438千呼万唤始出来，今晚嘅主角「龙虾西班牙海鲜饭」卒之震撼登场，本身个饭已经有唔少海鲜料，八爪鱼、蓝青口、蚬、红鲷鱼，加埋原只波士顿龙虾，所以，点可以唔话佢霸气吖！饭粒入口软绵，充满海鲜味，浮夸啲讲真喺啖啖海鲜精华，海鲜料亦鲜甜，龙虾非常爽口；因为份量颇大，适合3-4人共享。
Lobster Paella
$438
41 浏览
0 赞好
0 留言
去到甜品时段，老套啲都要再试佢哋嘅「西班牙油炸鬼」依款西班牙经典甜点。虽有少少装饰，但卖相唔算花巧，油条炸得金黄而唔油，外脆内软，沾上朱古力浆份外美味。
Daily Dessert $68本来仲打算叫一客朱古力心太软试试，但遇着专做甜点个焗炉话坏机，所以，另试试每日甜品，是日喺柠檬芝士饼，一客有两小件。芝士味唔喺好强，但柠檬味非常清新浓香，饼底亦做得薄薄，算有水准。
Lemon Cheese Cake
$68
31 浏览
0 赞好
0 留言
张贴
