石籬粉仔

营业中

休息中

今日喺呢边睇完电影，忽然之间觉得好耐都冇食碗仔翅呢类街边嘅小食，同朋友讲起，朋友即刻安利咗呢间位于葵涌石篱大陇街143号葵都大厦地下5号舖噶石篱粉仔，环境都几怀旧，地方座位都几阔落。煎酿三宝，酿茄子，酿豆腐，鱼蛋，同埋酿青椒，即叫即整，茄子胀卜卜，豆腐角都几大旧，配埋豉油，回忆返晒嚟。生菜鱼肉汤，麻油味香，小小胡椒粉冚咗鱼肉嘅腥，令个汤更鲜甜，鱼肉弹牙。鱼肉翅，鱼肉份量都几多，碗仔翅材料丰富，呢个组合冇得输。今日呢个晚餐组合，平靓正又饱。