石籬粉仔

营业中

休息中

又想食粉仔，又想食碗仔翅又兩溝做粉仔翅🤣🤣🤣🤣外賣加一蚊$25細碗仲附送一辣一唔辣菜甫😘😘😘😘 好貼心好足料👍👍👍👍粉仔又好滑豬油渣好香口

今日喺呢邊睇完電影，忽然之間覺得好耐都冇食碗仔翅呢類街邊嘅小食，同朋友講起，朋友即刻安利咗呢間位於葵涌石籬大隴街143號葵都大廈地下5號舖噶石籬粉仔，環境都幾懷舊，地方座位都幾闊落。煎釀三寶，釀茄子，釀豆腐，魚蛋，同埋釀青椒，即叫即整，茄子脹卜卜，豆腐角都幾大舊，配埋豉油，回憶返曬嚟。生菜魚肉湯，麻油味香，小小胡椒粉冚咗魚肉嘅腥，令個湯更鮮甜，魚肉彈牙。魚肉翅，魚肉份量都幾多，碗仔翅材料豐富，呢個組合冇得輸。今日呢個晚餐組合，平靚正又飽。

係石籬商場隔離 都真係要經過先會食😂主打粉仔同其他港式小食例如碗仔翅、魚蛋燒賣等招牌粉仔 (大) ($33)都算大碗 粉仔幾有口感 有冬菇同豬油渣隔離有2樽菜圃 一樽辣一樽唔辣辣嘅都真係幾辣😂 但加左多左口感整體食落都ok 飽肚😌👌🏼煎釀三寶 ($13)一份有5件 可以自己揀5件有紅腸、腸仔、茄子、甜椒豆腐、魚蛋同雲吞除左紅腸同腸仔其他都有試比較大件係茄子同豆腐雲吞就唔係好抵 純食個塊皮😂其他就正正常常 唔係好突出炸雞髀 ($22)即炸熱辣辣 外面似麵包糠炸 勁脆有鎖住d肉汁 都幾入味不過隻髀唔算係好滑嘅髀蒸燒賣 ($13)有8粒 幾煙韌 個辣椒油有d蒜嘅味道 都唔錯👍🏼食左4樣野兩個人食都係$40幾蚊都幾抵食嘅～

話唔定啲令我驚喜既粉仔都有新搞作！今次去嘗家呢間餐廳既粉仔，直頭帶我返舊時光。粉仔跟我平時食得嗰啲唔同，條條結實、滑溜溜，食落去口感正！啖啖都掛住濃郁嘅湯汁，當中嘅冬菇味、蝦米嘅香，真係惹味到不得了！😋同桌喺度食佢哋嘅生菜魚肉湯，湯底清而唔淡，麻油香氣十足，魚肉鮮嫩得嚟又juicy，我都食晒半碗！不過講真，最正嘅係嗰碟辣魚蛋。輕輕地咬一口，辣得嚟唔狠心，咖喱香嗆得剛剛好。每一粒魚蛋都似提心吊膽咁，正到彈起！最後靠杯超香椰擔擔沙冰，辣味頓時消失，解渴又消暑，呢種味蕾上既冒險，真係值得！🥥🍹呢間餐廳嘅環境樸素，冇乜誇張裝潢，但食物嘅味道，絕對係哄到你心口開畀面，一試鐘情！下次我要帶埋其他食友一齊黎，重溫呢份老味道。🍜

🍲石籬粉仔 粉仔翅 $33生菜魚肉湯 $33蒸燒賣 $14鮮榨椰汁 $14————————————————————————平民港式美食🇭🇰粉仔翅撈菜甫好食 同埋好大碗 食完一定夠飽！不過無論係粉仔、魚肉定係燒賣嘅口感都係好粉 個人麻麻哋呢種質感😂如果可以有啲彈性就更好了-喺度食嘢好似細個翻學放小息落canteen買嘢食咁 食嘅係回憶的味道呀🏫～

🔻招牌粉仔(細) 💰24 ➡️7.5/10好有家常嘅味道，粉仔加左豬油渣去煮，好香，其他材料有冬菇同蝦皮🦐呢碗狗仔粉嘅靈魂係菜圃，有辣同唔辣，我一路食一路一路加，食左好多啊😍🔻煎釀三寶(5件) 💰13 ➡️8/10叫左豆腐、紅腸、雲吞、青椒同茄子，係即嗌即炸，樣樣野都好酥脆，豆腐外脆內嫩，青椒同茄子都好大件，再點小小特製豉油，好惹味👍🏻🔻鮮榨椰汁 💰14 ➡️7.5/10純厚嘅椰子汁，似椰奶多啲，可以飲到細細粒嘅椰子殘渣，真材實料👍🏻係屋邨充滿滿滿嘅人情味嘅小店，食嘅都係街坊同學生☺️老闆同食客有講有笑，閒話家常，呢啲小店依家真係買少見少❤️👅味道：7.5/10💡性價：8/10📌環境：7/10

屋村裏面一間比較有噱頭嘅餐廳入面裝修係行懷舊風坐木板凳呢啲淨係做小食類嘅餐廳好似賣少見少果然小店真係難敵租金嘅壓力🥲主打嘅狗仔粉味道較淡冇乜肉碎豬油渣亦唔夠香好嘅係食完唔會口渴同埋依然有辣同唔辣嘅菜脯任加唔嬲🤤另外有碗仔翅同生菜魚肉湯全部有分大碗同細碗嘅份量好貼心因為佢仲有好多炸物小食😆陳皮魚蛋同燒賣我自己就覺得一般反而煎釀三寶同炸雞髀雞翼好出色每件三寶都有沾上魚肉而且係即炸其實夠熱即食夠新鮮就唔會難食得去邊而我食過咁多次入面係炸嘢最keep到水準有試過碗仔翅落太多馬蹄粉搞唔暈亦有試過豬腸粉太爛碎上咁希望一直都可以食到唔加價嘅煎釀三寶🥹最後推介大家試吓店內嘅自製椰汁🥥唔係椰青水嗰種係比較似椰奶嘅感覺唔一定要成日飲汽水嘅😆餐廳近來推出咗真空嘅狗仔粉可以帶返屋企加熱即食睇吓之後有冇機會再去買嚟試吓

平日好鐘意石籬粉仔，幫襯左3年，經過今次，以後都唔幫襯。8月22日，我叫左粉仔翅，炸雞翼尖，煎釀三寶，之後紅色衫職員(我估佢係新黎)，佢將碟煎釀三寶放上枱時，掉左個炸雲吞係枱面，佢表示會換過俾我，即時執起炸雲吞放在托盤的污糟毛巾上，然後拎俾老闆，但老闆竟然拎個鐵鉗夾起原本污糟雲吞放回碟上，紅衫職員話换左。好明顯係講大話，因為我見到老闆無換過及雲吞形狀係一樣🤬😡離開前同老闆娘講呢個情況，她只說了:唔好意思。😤😡

# 小時候既情懷今日山長路遠入葵涌，為咩牙？係為左食石蘺粉仔，黎到呢頭有著好多回憶又係那些年既一點情懷。本來上網第一下睇到係真空包裝不過唔係度度有得賣所以直頭走去食。喺度食嘅都係街坊。學生。好似有一個濃厚嘅人情味。食落都好好味好豐富。仲有煎釀三寶炸雞髀不過今次冇食雞髀因為怕麻煩。過咗幾日再見住石籬嘅朋友。仲叫佢又買咗幾包俾我。擺喺屋企幾時想食都可以🤪🤪🤪🤪# 石蘺粉仔上網睇到，就好想食。說到做到💪🏻💪🏻💪🏻唔會得個講字😋😋

黎開石籬做野，原來石籬唔止小鍋米線既，仲有尼間石籬粉仔都好出名架。每枱都有菜脯任加，果菜脯都幾好食。 ⦁招牌粉仔（大）$28大碗到就黎滿瀉，果湯底好濃郁，味道唔算太咸。配料都幾多，又有香菇，又有少少豬油渣。多重口感，不過一碗真係可以頂一餐。 ⦁粉仔翅（細）$20粉仔就同招牌一樣，主要系果湯底轉左做碗仔翅，果味道就普普通通，唔太大驚喜。 ⦁陳皮魚蛋 $10/10粒魚蛋陣魚味好出，小小陳皮味勁香，尼個都有辣同唔辣揀，但果辣就比起出面街邊篤魚蛋辣。 ⦁混醬豬腸粉 $10/4條就普普通通既豬腸粉，有種掛住以前街邊車仔檔既感覺。

剛好在附近工作，聽聞已久所以想試一試，但疫情下小店只提供外賣。地點不算太方便，但跟著Google map走也不太難找，而且店員的服務態度很好，等候時間不太長。點了招牌粉仔（小），炸燒賣，鮮榨椰汁，第一次食粉仔覺得有點像台灣肉羹，只是多了粉條，加了附送的菜脯味道偏濃，炸燒賣比想像中香脆👍，鮮榨椰汁好飲不太甜，而且外面比較少有。性價比挺高的，食物亦稍有特式，作為街坊小店，希望可以在疫情下仍然繼續維持經營。

今天在石籬舊區老街坊閒遊，偶然發覺時代經典童年回憶.童兒時的粉仔.舖內並不寬闊.但老闆服務態度友善.呢度全都是街坊生意.來的大多數是熟客，又其好多都係附近學校的學生。先來個招牌粉仔➕凍鮮榨椰汁.（下午茶餐）＄38元。再來多個炸雞🍗➕凍鮮榨椰汁.（下午茶餐）＄27元.再來多蒸燒買小食＄12元。粉仔好食.枱面有辣菜腩.可自由調味！炸雞🍗皮脆肉嫩，新鮮即炸，超讚！👍 椰汁夠凍.好香椰子味！相信我哋會好快再次光臨！

今日行完城門水塘落山經過石籬見到呢間傳聞有懷舊味道嘅粉仔上網睇過好多人話好食所以外賣咗一碗招牌細粉仔回家...........細粉仔外賣$21, 返到屋企打開裝得滿滿的，豬油渣好有油香，蝦米仔鹹香，仲有冬菇，好足料👍另外裝起辣菜脯同原味菜脯，加咗成包辣菜脯更重口味更好食😛係有以前返學嘅味道，可能而家好少食到呢啲懷舊野食而且重要係好食嘅p.s. 辣菜脯比想像中要辣，唔食得辣嘅朋友要逐啲逐啲加.........

呢間野雖然主打係粉仔懷舊的味道，亦係兒時讀書的味道，記得中學時代…放學後幾個同學會去石籬舊街市食碗“狗仔粉”，或者去附近士多買支孖條，街邊篤串魚旦。而家呢間“石籬粉仔”離開左個舊街市，去左石籬商場對面，呢間地鋪，環境同位置都唔錯，鋪仔細細，但坐位都唔太迫。今次…我係心血來潮去食炸雞腿好好味吖真係成個石離區最好味 炸比 無試到個鮮榨椰汁&自家製豆漿&同魚蛋燒賣，下次有機會再試。如果你有更好味既髀覺得更好歡迎通知我   

懷舊的味道，亦係兒時讀書的味道，記得中學時代…放學後幾個同學會去石籬舊街市食碗“狗仔粉”，或者去附近士多買支孖條，街邊篤串魚旦。而家呢間“石籬粉仔”離開左個舊街市，去左石籬商場對面，呢間地鋪，環境同位置都唔錯，鋪仔細細，但坐位都唔太迫。今次…我係受朋友(舊中學同學)所託，買外賣去同佢地大家一齊食。我就用左外賣平台點餐，訂了外賣自取，因為有折扣優惠8折。🤭(1) 招牌粉仔(細)，以前會叫狗仔粉，食落味道同以前唔同，可能無左以前快樂時光的味道，但其實味道都一樣仲好好味。(2) 生菜魚肉湯(細)，我要多胡椒粉架，正！👍🏻(3) 燒賣，一份十粒，👌🏻OK啦。辣椒油要分開上，個辣椒油好正。(4) 陳皮魚旦，一份十粒。👌🏻OK啦無試到個鮮榨椰汁&自家製豆漿，下次有機會再試。