Han Ban Korean Restaurant (已結業)

经过见到新开，谂住试下，点知有点伏。先讲服务，入到去完全无人理我，个所谓既老板见到我当见唔到咁，最后等左阵先有个阿姐问我几位，问完都系我自己入去揾位。入到坐低，又系无人理，几经辛苦终于叫到人，叫铁板炒五花腩，一阵返黎话无，咁唯有叫铁板烧牛肉。等餐时睇睇环境，不过不失，但整体感觉麻麻地，卫生环境普通，感觉似一间茶餐厅多啲最后到食物，卖相正常，但份量偏少，而且不太似韩式。味道都麻麻地，虽然未至于很差，但应该不会回头再帮衬。