Tommy Yummy (翡翠中心)

营业中

休息中

系中环上半山自动扶手电梯成日经过一间装修得几靓嘅泰式Cafe，好Chill咁望住条街，有嘢食又有咖啡饮，今日终于过到嚟食个Late lunch。虎虾海鲜混乱杯面🌶️我唔系倒泻咗个杯面，系本身卖相系咁样，其实佢系一个冬阴功海鲜炒杯面。都几多海鲜，有虎虾、青口、鱿鱼，酸酸辣辣。最抵死系个杯面杯其实系间餐厅自己个名，成份同营养标签写得几搞笑，想知道自己去食啦。任你泰串🍢自己拣三串嘅串烧，拣咗糯米猪肉肠、猪颈肉、鸡肉串。有两款汁：酸辣汁或者沙嗲汁，我自己都系钟意沙嗲汁甜甜地。串烧比我想像中好食。椰子飘香咖啡🧋去Cafe梗系要饮咖啡。天时暑热拣咗个冻嘅椰子味咖啡。上面有个椰子雪糕，劲浓椰味。加咗$5转咗Berry Blend咖啡豆由三款豆混合而成，有啲hazel nut味。TY芒果糯米饭🥭呢度咁好坐就叫埋甜品慢慢食，最爱芒果糯米饭，砌到成朶花咁好靓，上面仲有椰子雪糕，再加入椰浆，啱晒食完辣野嘅我。