貝‧料理 (已結業)

omakase 就算未食过都应该听过，但主要食贝类既omakase 真系第一次听,今次就去到旺角试下呢间咁特别既omakase 系咩料子～竹（$380）时令贝蕃茄野菜沙律今次既时令贝系北寄贝，够厚身而且肉质爽口鲜甜，加上新鲜既蕃茄野菜沙律，感觉几清新矶煮南非鲍鱼鲍鱼炆得好入味，而口感仲保持到鲜嫩弹牙季节贝汤今次系贝柱龙虾汤，贝柱鲜甜爽口，同嫩滑既豆腐系口感上形成强烈对比，龙虾汤味道浓郁。一定要衬热饮～日式清酒煮蚬蚬肉几大只，鲜甜而且带海水味清酒烧白子贝带淡淡既酒香味，味道比煮蚬更浓郁～铁板烧龙虾＆贝炒野菜龙虾肉质爽口弹牙，厨师调味做得岩岩好，轻轻既咸味带出左龙虾既鲜甜味。铁板烧贝类炒饭炒饭系用珍珠米，比我地食开既泰国米更烟韧。而且厨师炒得够干身，米饭粒粒分明。加埋贝柱同蔬菜粒除左增加口感之后，仲释出一份鲜甜味。