影片
更多
2022-07-19
175 浏览
.📍店舖：荣记粉面📍#馒头去铜锣湾 #馒头的港味道————————————————🥢墨鱼头猪大肠萝卜猪红米线 ($52) ▫️咖哩辣汁 (＋$4)四𩠌车仔面要成50几蚊其实颇贵，但又真系几好食😂。首先佢哋嘅腩汁汤底好有惊喜，汤头油份偏多但入囗唔会过油，牛腩肉味、酱油同姜葱三者味道互相平衡，香气浓郁不过咸，紧接著有白萝卜鲜甜散发于口腔，就咁加米线食已经好够味，以至于个咖哩辣汁捞埋落去之后反而有啲失色，但依然惹味；另外呢度嘅汤底仲会加啲通菜畀大家，增加下爽脆嘅口感。米线虽然唔系今次嘅主角但质素都唔错，滑身具弹性，唔会一夹就断，而且都几锁汤汁，确保每一啖都唔会冇味。呢度嘅配𩠌好好食，特别系墨鱼头，大大嚿非常爽弹，煮嘅时间啱啱好，唔会搞到冇晒水份好似嚼硬胶咁，但又足够入味；猪大肠亦系另一个好推荐嘅𩠌，清洗得好干净完全冇异味，冰糖卤水同酒香成功渗入大肠肌肉纤维，外围软腍内里组织紧密有弹性，大肠内部保留些小猪油脂，脂香夹杂卤水香甜，非常香口；萝卜分量异常地多，每一嚿都冇渣但不过烂，充足吸入卤水汁从而色泽变深， 又唔会畀卤水完全盖过原味清甜，猪红其实都做得好出色，大块得嚟似鸭红软滑，结合汤底唔会食到腥
📍店舖：荣记粉面📍
#馒头去铜锣湾 #馒头的港味道
————————————————
🥢墨鱼头猪大肠萝卜猪红米线 ($52)
▫️咖哩辣汁 (＋$4)
四𩠌车仔面要成50几蚊其实颇贵，但又真系几好食😂。首先佢哋嘅腩汁汤底好有惊喜，汤头油份偏多但入囗唔会过油，牛腩肉味、酱油同姜葱三者味道互相平衡，香气浓郁不过咸，紧接著有白萝卜鲜甜散发于口腔，就咁加米线食已经好够味，以至于个咖哩辣汁捞埋落去之后反而有啲失色，但依然惹味；另外呢度嘅汤底仲会加啲通菜畀大家，增加下爽脆嘅口感。
米线虽然唔系今次嘅主角但质素都唔错，滑身具弹性，唔会一夹就断，而且都几锁汤汁，确保每一啖都唔会冇味。
呢度嘅配𩠌好好食，特别系墨鱼头，大大嚿非常爽弹，煮嘅时间啱啱好，唔会搞到冇晒水份好似嚼硬胶咁，但又足够入味；猪大肠亦系另一个好推荐嘅𩠌，清洗得好干净完全冇异味，冰糖卤水同酒香成功渗入大肠肌肉纤维，外围软腍内里组织紧密有弹性，大肠内部保留些小猪油脂，脂香夹杂卤水香甜，非常香口；萝卜分量异常地多，每一嚿都冇渣但不过烂，充足吸入卤水汁从而色泽变深， 又唔会畀卤水完全盖过原味清甜，猪红其实都做得好出色，大块得嚟似鸭红软滑，结合汤底唔会食到腥味，不过同前三者比较就显得冇咁特别。
————————————————
🔸整体评分：8.3/10
🔸小编回头率：7.5/10
张贴
