橋本·串燒

营业中

休息中

放工後約左朋友去尖沙咀行街，行下行下行到棉登徑就眼見有間日式串燒店【橋本·串燒】咁就一於去試下啦……..我地就叫凍日本蕃茄配柚子汁，呢個冷盤蕃茄清甜配埋果柚子汁酸酸地好鬼醒胃。之後架到主菜串燒雞、豬、牛等我地都有點，先講下雞類先，有雞尾、自家制兔治捧，燒得好香脆。豬類就叫左豚肉露荀卷、豚肉煙肉荔枝卷、豬頸肉、豚肉洒盜芝士卷， 平時煙肉多數配車里茄，冇諗到煙肉咸咸地配甜甜地荔枝咁鬼夾。牛肉類就叫左厚切牛舌，入口牛味勁重，而果厚度切得啱啱好。芝士流心蛋大咖菇流心芝士加上溫泉蛋配埋大咖菇真係好正，芝士焦香加上蛋滑溜好美味。明太子茶漬飯茶漬飯整成有飯焦嘅飯團，而湯底有少少wasabi味及明太子味道好融洽及夾。最後架要食果飯後果啦，就係焦糖菠蘿，菠蘿外層有好脆嘅焦糖，外甜內酸好滋味。