影片
更多
2024-12-13
172 浏览
走进位于尖东 彷佛将时间定格喺九十年代嘅旧商场南洋中心，有一间屹立左二十年但仍然好有活力嘅居酒屋𓂃沃川𓂃，除左保留同改良咁多年以嚟受欢迎嘅菜式，仲不停研制同推出新嘅菜式，好欣赏佢地对料理嘅追求同尽心满足客人需要嘅诚意♡✦慢煮牛舌沙律牛舌经过低温慢煮后保留左牛舌独有香味，油脂感适中，质感软腍易入口，牛舌边沿布满粗粒黑胡椒，增添惹味，底下嘅沾醋沙律菜都好新鲜清爽✦时令刺身拼盘是日时令刺身包括𓂅金目鲷、伊佐木、油甘鱼、甲乌贼、室津产生蚝、白子、𩽾𩾌鱼肝同牡丹虾𓎝金目鲷同伊佐木经过炙烧后将鱼油香迫出，爱媛县产嘅甲乌贼好有记忆点，喺师傅嘅刀功手艺之下，砌到好似一朵花咁好靓，味道鲜甜，口感细腻爽弹，室津蚝口感爽身，味带甘甜，白子同𩽾𩾌鱼肝口感绵密顺滑，本身配上酸汁，唔会太腻，牡丹虾味道浓郁甘甜✦荔枝豚肉串烧食完刺身后开始进入串烧环节，以荔枝豚肉串烧作为第一道串烧系相当适合，荔枝清新果香令到豚肉唔会有油腻感，咸甜得宜✦芫茜墨鱼棒呢一道串烧系店家近期新研发，个人认为系必点！芫茜味唔会好霸道，墨鱼棒系真材实料满晒墨鱼粒，口感弹牙，呢个配搭同煮法将墨鱼嘅鲜味完美展现✦其他串烧包括𓂅鸡翼、鸡皮、猪肝、蕃茄豚
✦慢煮牛舌沙律
牛舌经过低温慢煮后保留左牛舌独有香味，油脂感适中，质感软腍易入口，牛舌边沿布满粗粒黑胡椒，增添惹味，底下嘅沾醋沙律菜都好新鲜清爽
✦时令刺身拼盘
是日时令刺身包括𓂅金目鲷、伊佐木、油甘鱼、甲乌贼、室津产生蚝、白子、𩽾𩾌鱼肝同牡丹虾𓎝
金目鲷同伊佐木经过炙烧后将鱼油香迫出，爱媛县产嘅甲乌贼好有记忆点，喺师傅嘅刀功手艺之下，砌到好似一朵花咁好靓，味道鲜甜，口感细腻爽弹，室津蚝口感爽身，味带甘甜，白子同𩽾𩾌鱼肝口感绵密顺滑，本身配上酸汁，唔会太腻，牡丹虾味道浓郁甘甜
✦荔枝豚肉串烧
食完刺身后开始进入串烧环节，以荔枝豚肉串烧作为第一道串烧系相当适合，荔枝清新果香令到豚肉唔会有油腻感，咸甜得宜
✦芫茜墨鱼棒
呢一道串烧系店家近期新研发，个人认为系必点！芫茜味唔会好霸道，墨鱼棒系真材实料满晒墨鱼粒，口感弹牙，呢个配搭同煮法将墨鱼嘅鲜味完美展现
✦其他串烧包括𓂅鸡翼、鸡皮、猪肝、蕃茄豚肉卷、明太子脆肉瓜、蒜心𓎝
鸡翼正常发挥，保留到肉汁，鸡皮香脆带好香嘅鸡油味，佐酒一流，第一次食烧嘅猪肝，原来都几香口脆嫩，味道唔会带腥，其他烧蔬菜类都好惹味，全部都几满意
✦田乐豆腐
之前喺呢度食过田乐豆腐觉得好出色，今次食到嘅依然好好味，豆腐外层微硬带烟韧，田乐酱嘅味噌带甜，将简单嘅食材整到咁纯粹嘅美味，突显到功架
✦烧牛小排
用上蝴蝶腩部位，牛味好浓郁，油脂分布平均，烧嘅熟度啱啱好，无论口感定味道都令人好满意
✦浓汤大虾乌冬
店家其中一道招牌菜，汤底完全由虾熬出，饮落成个口腔充满虾嘅甘甜，大虾爽口弹牙，天气冻时食呢个暖暖嘅乌冬好满足
𓄢沃川自家料理
尖沙咀么地道75号南洋中心UG楼5-8号舖
张贴
