影片
更多
2024-08-02
2597 浏览
胡同@H Zentre 18楼今日收工后朋友带左我去呢间佢bookmark咗好耐嘅餐厅。餐厅位于尖沙咀闹市嘅顶楼，装修有大量古色古香嘅中式元素，有种深邃静谧嘅感觉。餐厅装修仲用上西式酒吧格调，楼底高大空间、灯光比较昏暗但设计精致，再加上落地大玻璃去欣赏180度嘅维港大海景！佢嘅菜式以川菜同京菜为基调，结合咗西式Fine Dining嘅风格，每对食物都好精致而且合乎香港人口味，菜式嘅麻度同辣度都减弱咗好多。我哋懒得谂就直接叫咗餐厅嘅Dinner Tasting Menu，佢由前菜到甜品总共六道菜式组成：首先前菜系由三道菜组成🥔酸辣土豆丝土豆丝系传统嘅北方菜式，薄薄的土豆丝经过拌炒变得爽脆可口，味道酸辣适中符合香港人口味，不过不失。🪿鱼籽煎鹅肝熏蛋鹅肝本身处理得几好，外脆内嫩入口即溶，食到丰富嘅油脂味得黎又唔会太腻。加埋鱼籽同流心嘅上海熏蛋，层次丰富。🦑藤椒卤水小吊桶小吊桶本身够晒弹牙同饱满，川式嘅处理卤得好入味，淋上麻辣嘅藤椒酱汁，非常惹味。🦀瑶柱焗酿蟹盖餐厅最近有个优惠，点呢个Dinner Menu嘅时候，佢每人再送多一客焗蟹盖。味道算系不过不失，算系好肥美，同埋唔太够蟹味。紧随嘅系主
今日收工后朋友带左我去呢间佢bookmark咗好耐嘅餐厅。餐厅位于尖沙咀闹市嘅顶楼，装修有大量古色古香嘅中式元素，有种深邃静谧嘅感觉。餐厅装修仲用上西式酒吧格调，楼底高大空间、灯光比较昏暗但设计精致，再加上落地大玻璃去欣赏180度嘅维港大海景！
佢嘅菜式以川菜同京菜为基调，结合咗西式Fine Dining嘅风格，每对食物都好精致而且合乎香港人口味，菜式嘅麻度同辣度都减弱咗好多。
我哋懒得谂就直接叫咗餐厅嘅Dinner Tasting Menu，佢由前菜到甜品总共六道菜式组成：
首先前菜系由三道菜组成
🥔酸辣土豆丝
土豆丝系传统嘅北方菜式，薄薄的土豆丝经过拌炒变得爽脆可口，味道酸辣适中符合香港人口味，不过不失。
🪿鱼籽煎鹅肝熏蛋
鹅肝本身处理得几好，外脆内嫩入口即溶，食到丰富嘅油脂味得黎又唔会太腻。加埋鱼籽同流心嘅上海熏蛋，层次丰富。
🦑藤椒卤水小吊桶
小吊桶本身够晒弹牙同饱满，川式嘅处理卤得好入味，淋上麻辣嘅藤椒酱汁，非常惹味。
🦀瑶柱焗酿蟹盖
餐厅最近有个优惠，点呢个Dinner Menu嘅时候，佢每人再送多一客焗蟹盖。味道算系不过不失，算系好肥美，同埋唔太够蟹味。
紧随嘅系主菜前嘅两道小食
🥐黑椒和牛酥
酥脆嘅外皮包裹著浓厚嘅黑椒配上软嫩嘅和牛，系几特别嘅配搭，可惜黑椒味太重盖过咗和牛本身嘅味道。
🥟鱼汤菜肉锅贴
皮薄馅靓，咬落去非常juicy，锅贴经过煎烤非常香口好食。
🏮金梅女儿红
呢度嘅布置咁古色古香，当然都要配合返传统嘅饮品。我哋就叫咗一小埕女儿红，浓浓嘅绍兴酒香配埋酸酸嘅话梅，容易入口得黎又几开胃。
🦞豆酥龙虾
主菜系呢到招牌菜之一嘅豆酥龙虾，龙虾肉质鲜嫩弹牙。佢嘅摆碟非常用心，有气势地砌返原只龙虾出黎，酥脆咸香嘅豆酥，增加左口感嘅层次，但略为干左少少。
🐟本帮鳕鱼
本帮菜即系上海菜嘅别称，鳕鱼肉质鲜嫩，慢煮烹调得恰到好处。以秘方腌制嘅鱼肉咸淡适中、食到鳕鱼本身嘅鲜美，而且煎得好香脆，有著浓郁鱼油香味。
🦐龙虾汤西班牙红虾脆米泡饭
呢个菜式好有特色嘅fusion味道，而且侍应会喺席前即时亲手将热辣辣嘅龙虾汤倒入脆米饭里。香气浓郁嘅龙虾汤汁配上香脆可口嘅脆米饭同大大粒红虾肉，整道菜嘅层次豊富。西班牙红虾产量少极为珍贵，但食落略嫌唔够新鲜，美中不足。
🍨豆腐雪糕&杏香流心芝麻巻
最后甜品部分同样精彩，豆腐雪糕又滑又creamy，淡淡豆腐味好清爽可口。杏香流心芝麻卷外层系带有杏仁片嘅酥皮，内里系暖暖嘅流心芝麻，系唔错嘅中式甜品。
酸辣土豆丝&鱼籽煎鹅肝熏蛋&藤椒卤水小吊桶
6 浏览
0 赞好
0 留言
瑶柱焗酿蟹盖
7 浏览
0 赞好
0 留言
黑椒和牛酥&鱼汤菜肉锅贴
3 浏览
0 赞好
0 留言
金梅女儿红
9 浏览
0 赞好
0 留言
豆酥龙虾
15 浏览
0 赞好
0 留言
本帮鳕鱼
27 浏览
0 赞好
0 留言
龙虾汤西班牙红虾脆米泡饭
18 浏览
0 赞好
0 留言
张贴
