影の鳥 (已結業)

黎左呢间新开嘅影の鸟试下。餐厅主要做日式串烧，加少少其他日式料理。餐厅环境舒适，约有40个座位，有一间包厢大约可以容纳8人。今次系周末去lunch, 订左13:30呢个时间。点餐前餐厅送开胃小食，今日系暖笠笠嘅鸡汤，味道刚好，坐底饮啖汤个人都醒神晒。今次食左以下呢几样野：1）鸭肉水菜锅我之前系鸭锅名县京都嘅福之山食过当地鸭锅非常之好食，可惜香港无乜餐厅出鸭锅。所以呢度有即刻点黎食，味道唔错，汤底香浓鸭肥美，配水菜一流。即使做法同福之山唔一样，都系好味嘅。（如果鸭肉数量同厚薄都可以学下福之山嘅风味更加好😋）2）𩽾𩾌鱼肝呢个配酸汁非常惹味，鱼肝亦非常甘香3）味噌鸡肝酱伴法包呢个系楼面推介我哋试，个鸡肝酱不得了！好香好滑，我即头想叫多一set包再清左个碟😜4）鸡皮稻庭乌冬呢个都系楼面推介，即管试下。汤底味道系一般日式汤底风味，重点系块鸡皮。厚加爽口嘅口感，仲有鸡嘅脂香，但完全无肥淋淋嘅感觉！钟意食鸡皮嘅要点黎试下。5）其余再点左几串串烧，有免治鸡骨串，豚肉秋葵卷，黑豚腩肉咁，都好好味。题外话鸭锅个外观好靓，想买番个屋企自己用🧡去试嘅时候餐厅刚开业，楼面话大约系圣诞节后就会做埋weekday午