影片
更多
5天前
201 浏览
对上𠮶次系同另一半拍拖去食，好记得佢嘅油封鸭髀同埋牛骨髓都令到我觉得好惊艳。今次同朋友都系简单聚会，谂住食平啲搞掂，所以就向佢啲risotto落手，食完就觉得果然都系贯彻高质嘅宗旨。几钟意佢啲面包，三款唔同嘅面包真系几有心机。‣ 火炙半熟三文鱼伴紫妹莎莎 $148唔系烟三文鱼，系半熟三文鱼，个口感都几过瘾。表面又被轻轻火炙过嘅痕迹，但咬落去之后又食得出三文鱼刺身嘅𠮶种口感同埋鲜味。而因为有紫洋葱作为配搭，令到成碟沙律味道都变得更加鲜甜。‣ 牛肝菌露笋意大利饭 $208牛肝菌独特嘅香味真系不得了，面头仲有唔少嘅芝士碎，令到意大利饭真系变得更加香。饭粒嘅口感都煮得啱啱好，每一啖都感受到牛肝菌嘅鲜甜。而滑嫩嘅芦笋都令到意大利饭有唔一样嘅口感，趁热食真系好正。‣ 8oz美国顶级西冷 $318上枱嘅时候发觉其实份量都唔细，牛扒嘅质感好软嫩，而我觉得佢脂肪嘅部份都煎得好香，唔会令到你觉得好油腻唔想食，入口丰腴，啱啱好带得出牛扒本身嘅香。‣ 士多啤梨朱古力窝夫士多啤梨雪糕 $88一上碟嘅时候就发觉餐厅好用心用朱古力写嘅字，窝夫外脆内软，唔会太干身啱啱好。而士多啤梨雪糕都冇咁快融，好钟意佢浓稠嘅口感，
‣ 火炙半熟三文鱼伴紫妹莎莎 $148
唔系烟三文鱼，系半熟三文鱼，个口感都几过瘾。表面又被轻轻火炙过嘅痕迹，但咬落去之后又食得出三文鱼刺身嘅𠮶种口感同埋鲜味。而因为有紫洋葱作为配搭，令到成碟沙律味道都变得更加鲜甜。
‣ 牛肝菌露笋意大利饭 $208
牛肝菌独特嘅香味真系不得了，面头仲有唔少嘅芝士碎，令到意大利饭真系变得更加香。饭粒嘅口感都煮得啱啱好，每一啖都感受到牛肝菌嘅鲜甜。而滑嫩嘅芦笋都令到意大利饭有唔一样嘅口感，趁热食真系好正。
‣ 8oz美国顶级西冷 $318
上枱嘅时候发觉其实份量都唔细，牛扒嘅质感好软嫩，而我觉得佢脂肪嘅部份都煎得好香，唔会令到你觉得好油腻唔想食，入口丰腴，啱啱好带得出牛扒本身嘅香。
‣ 士多啤梨朱古力窝夫士多啤梨雪糕 $88
一上碟嘅时候就发觉餐厅好用心用朱古力写嘅字，窝夫外脆内软，唔会太干身啱啱好。而士多啤梨雪糕都冇咁快融，好钟意佢浓稠嘅口感，作为一餐嘅完结啱啱好。
‣ 冻水果茶 $46
价钱唔会话好贵，而且真系几大杯几抵饮，成支水果茶入边全部都系生果粒，食咗好多蓝莓、菠萝同奇异果，全部都系我好钟意嘅生果。觉得食到有啲腻嘅时候，饮水果茶真系一流，两个人share饮都够晒。
张贴
