峇里堂

营业中

休息中

之前睇过YouTube Channel同埋唔少朋友嘅介绍过呢间餐厅，难怪平日啲夜晚咁快就爆场！峇里堂系一间旧式印尼餐厅小店交由第二代接手，进化成为装修别致既楼上舖，食物口味并冇迁就港人口味，坚持使用传统印尼嘅味道，难怪weekend都唔少印尼姐姐嚟到餐厅帮衬！🌟峇里堂招牌巴东牛肉一份巴东牛肉要$168，但一场嚟到梗系要试吓佢哋嘅招牌食物！一份大概有六至七旧好大旧嘅牛腱，跟腱同肉位都炆得啱啱好，林得嚟又有嚼头。酱汁系重香料味，可能因为甜味落得相对重手，辣度同坊间食既比较就相对低。🌟印尼惹味炒沙爹猪肉配米饼猪肉切丝，加上用洋葱🧅同甜甜咸咸嘅酱汁嚟炒，味道有啲似日式照烧酱，面层再淋上充满花生颗粒嘅沙嗲酱，相当惹味。而米饼🍘就应该先涂上酱油再炸， 十分香脆，感觉有少少似食紧较淡味既日式酱油米饼。🌟金贝饭用上香茅、柠檬叶、姜黄、椰汁等香料及酱料所煮成嘅珍珠米饭。饭粒有口感，粒粒分明，香料唔算太抢味道。🌟双色咖央多士 用上黑色同啡色既面包夹著牛油同咖央酱，面包烘得金黄香脆，同牛油形成强烈对比，冷暖交融。